Landsframleiðslan á þriðja ársfjórðungi jókst að raungildi um 2,6 prósent frá sama ársfjórðungi fyrra árs, samkvæmt útreikningnum Hagstofu Íslands

Á sama tíma jukust þjóðarútgjöld, sem eru samtala neyslu og fjárfestingar, um 0,5 prósent. Einkaneysla jókst um 5,3 prósent og samneysla um 3,4 prósent á sama tíma en fjárfesting dróst saman um 5,6 prósent.

Útflutningur jókst um 5,1 prósent og innflutningur um 0,6 prósent. Helstu drifkraftar hagvaxtar á þriðja ársfjórðungi, borið saman við sama tímabil fyrra árs, voru einkaneysla og utanríkisviðskipti.

Landsframleiðslan á fyrstu níu mánuðum ársins 2018 jókst um 5,0 prósent að raungildi borið saman við fyrstu níu mánuði ársins 2017.