Innlent

Hagnaður World Class minnkaði um þriðjung

Tekjur Lauga jukust um meira en fimmtung á síðasta ári. Fréttablaðið/Andri Marinó

Hagnaður Lauga ehf., sem rekur líkamsræktarstöðvar World Class, nam 193 milljónum króna á síðasta ári og dróst saman um 32 prósent frá fyrra ári þegar hann var 282 milljónir, að því er fram kemur í nýbirtum ársreikningi félagsins.

Rekstrartekjur samstæðunnar námu ríflega 2,9 milljörðum króna í fyrra og jukust um 22 prósent frá árinu 2016 þegar þær voru tæplega 2,4 milljarðar. Rekstrargjöldin voru 2,6 milljarðar á síðasta ári borið saman við 1,9 milljarða króna á árinu 2016. Þar af hækkaði launakostnaður um 18 prósent á milli ára en hann nam liðlega 1,1 milljarði króna í fyrra. Starfsmenn samstæðunnar voru að meðaltali 109 talsins á árinu.

Samstæðan átti eignir upp á 3,9 milljarða króna í lok síðasta árs og var eigið fé hennar um 703 milljónir króna á sama tíma. Skuldirnar voru 3,2 milljarðar króna og þar af 2,4 milljarða skammtímaskuldir.

Stjórn Lauga ákvað að úthluta engum arði vegna síðasta árs. Hjónin Björn Leifsson og Hafdís Jónsdóttir eru stærstu hluthafar félagsins með 36,6 prósenta hlut hvort en Sigurður Júlíus Leifsson á 26,8 prósenta hlut.

Athugasemdir

Auglýsing
Auglýsing

Tengdar fréttir

Nýsköpun

Erlendir sjóðir fjárfestu fyrir 420 milljónir króna í Takumi

Viðskipti

Vilhjálmur með hálfan milljarð í eigið fé

Erlent

Fyrsti bjórinn sem er bruggaður úr kannabis

Auglýsing

Nýjast

170 milljónir farið í styrk­veitingar vegna „Brot­hættar byggðar“

Lág­gjalda­flug­fé­lögin í Evrópu sýna tennurnar

Leigusalar í mál við House of Fraser

Telia kaupir Bonnier fyrir 106 milljarða króna

Stjórnendur stálrisa sóttir til saka

Minni fólksfjölgun á milli ára

Auglýsing