Viðskipti

Hagar og Olís sameinast í eitt félag

Finnur Árnason, forstjóri Haga. Fréttablaðið/Eyþór

Hagar og Samkeppniseftirlitið (SKE) undirrituðu í gær sátt um skilyrði fyrir kaupum Haga á Olíuverslun Íslands og fasteignafélaginu DGV. Kaupsamningar um viðskiptin voru undirritaðir 26. apríl 2017 með fyrirvara um niðurstöður áreiðanleikakönnunar, samþykki SKE og samþykki hluthafafundar Haga fyrir aukningu hlutafjár. Fyrirvara um niðurstöður áreiðanleikakönnunar var aflétt þann 13. júlí 2017 og hlutafjáraukning var samþykkt á aðalfundi Haga árið 2018.

Hagar hafa samþykkt að falla frá sölu- og framsalsbanni sem fram kom í kaupsamningi. Samkvæmt sáttinni er Högum óheimilt að framkvæma samrunann fyrr en sölu fyrrgreindra eigna er lokið. Hagar hafa nú þegar undirritað kaupsamninga um allar framangreindar eignir. Samruninn kemur þó ekki til framkvæmda fyrr en SKE hefur metið hæfi kaupenda eignanna. Á næstu vikum mun SKE meta hæfi kaupenda. Gert er ráð fyrir að samlegðaráhrifin nemi um 600 milljónum króna á ársgrundvelli.

Helstu skilyrði fyrir samrunanum:

• Bjóða sama verð á dagvöru á Olís-stöðvum um land allt.

• Selja nýjum endurseljendum eldsneytis, sem eftir því leita, eldsneyti í heildsölu á viðskiptalegum grunni.

• Selja rekstur og fasteign félagsins að Faxafeni 14, þar sem verslun Bónuss er starfrækt.

• Selja rekstur og fasteignir Olísþjónustustöðvanna við Háaleitisbraut 12 og Vallargrund 3.

• Selja rekstur verslana Bónus að Hallveigarstíg 1 og Smiðjuvegi 2.

• Selja rekstur Olís-verslunarinnar í Stykkishólmi.

• Selja rekstur og aðstöðu ÓBstöðvar við Starengi 2, Kirkjustétt 2-5 og Knarrarvog 2 í Reykjavík.

• Annar seljenda Olís, FISK-Seafood ehf., skuldbindur sig gagnvart SKE til að selja að hluta þann eignarhlut í Högum sem hann fær afhentan skv. kaupsamningi.

Athugasemdir

Auglýsing
Auglýsing

Tengdar fréttir

Viðskipti

Veik króna refsaði IKEA á metsöluári

Viðskipti

Vilja marg­feldis­kosningu fyrir aðal­fund

Viðskipti

Creditinfo með 2,3 milljarða samning í Óman

Auglýsing

Nýjast

Vara við við­skiptum við eist­neskt fyrir­tæki

Heilbrigði verður að vera smá nautn

Hagnaður TM dróst saman um 78 prósent

Afkoma af fjárfestingum Sjóvár undir væntingum

Sakfelldir í Icelandair-innherjamáli

Heimilin halda að sér höndum

Auglýsing