Þetta eru tímamót að mörgu leyti og ánægjulegt að geta boðið viðskiptavinum okkar upp á þessa eðlilegu og sjálfsögðu þjónustu fram á kvöld á virkum dögum og báða helgardagana að auki. Það er löngu tímabært að bjóða upp á úrval af bjór og léttum vínum í vefverslun okkar og ég er viss um að viðtökurnar verða góðar,“ segir Pálmi Jónsson, forstjóri Heimkaupa.

Það er danska fyrirtækið Heimkaup ApS sem selur áfengið en Heimkaup (Wedo ehf) dreifir vörunni, ásamt þeim tugþúsunda vörunúmera sem í boði eru hjá Heimkaupum.

Við erum með strangt eftirlit hvað þessa áfengissölu varðar. Viðskiptavinur þarf að samþykkja söluna með rafrænum skilríkjum og aðeins aðilar sem geta sýnt fram á löglegan aldur með skilríkjum fá hana afhenta,“ segir Pálmi.

Fyrst um sinn verður hægt að versla og fá sent áfengi frá innlendum birgjum og má sjá vöruúrvalið á heimasíðunni www.heimkaup.is

Í tilkynningu frá Heimkaup segir að vöruúrval Heimkaupa hafi aukist jafnt og þétt síðustu misseri og neytendur geti nú valið úr mörg þúsund vörunúmerum, pantað á einfaldan hátt á www.heimkaup.is og fengið heimsent á allt að tveimur klukkutímum alla daga vikunnar. Frá og með deginum í dag er svo hægt að bæta bjór, léttvíni og öðrum áfengum drykkjum í innkaupakörfuna og fá sent ásamt mat og fjölmörgum öðrum vörum.