Gunnar kemur frá Origo þar sem hann hefur starfað á og stýrt ýmsum sviðum félagsins með góðum árangri frá því hann hóf fyrst störf árið 2011. Meðal annars hefur hann verið framkvæmdastjóri viðskiptaþróunar, framkvæmdastjóri lausna og þjónustu, og síðast framkvæmdastjóri notendalausna. Gunnar hefur yfirgripsmikla þekkingu og reynslu í upplýsingatækni og er menntaður tölvunar- og viðskiptafræðingur frá University of South Carolina.

Gunnar er enn í ráðningarsambandi við Origo og nánari upplýsingar um hvenær hann tekur við starfinu verða tilkynntar síðar.

Nýja stjórn Opinna Kerfa skipa Kári Þór Guðjónsson (stjórnarformaður), Sigríður Olgeirsdóttir og Trausti Jónsson.