Guðmundur Kristinn Birgisson hefur verið ráðinn framkvæmdastjóri áhættustýringar Íslandsbanka. Guðmundur hefur starfað hjá Íslandsbanka frá árinu 2011 og hefur víðtæka reynslu af fjármálamörkuðum. Hann hefur starfað sem forstöðumaður útlána á Einstaklingssviði og forstöðumaður áhættueftirlits Íslandsbanka. Þetta kemur fram í tilkynningu.

Guðmundur er með doktorspróf í stærðfræðimenntun frá Indiana University en lauk B.A. prófi í heimspeki og raunvísindum frá Háskóla Íslands. Hann hefur jafnframt lokið diplóma námi í kennslufræði til kennsluréttinda. Guðmundur tekur við starfinu 1. október.

Fram hefur komið í Fréttablaðinu að Sverrir Örn Þorvaldsson, sem hefur starfað sem framkvæmdastjóri áhættustýringar Íslandsbanka undanfarin átta ár, hyggðist láta af störfum hjá bankanum.