Gréta María Grétarsdóttir hefur óskað eftir að láta af störfum sem framkvæmdastjóri nýsköpunar, samfélagsábyrgðar og fjárfestatengsla hjá Brimi. Gréta María mun láta af störfum á næstu vikum. Þetta kemur fram í tilkynningu til Kauphallarinnar.

Gréta María Grétarsdóttir, framkvæmdastjóri nýsköpunar, samfélagsábyrgðar og fjárfestatengsla.

Upplýst var um að Brim hafi ráðið Grétu Maríu, sem var áður framkvæmdastjóri Krónunnar, í febrúar síðastliðnum.

„Það er eftirsjá af Grétu Maríu sem hefur reynst félaginu vel og hún hefur komið með margar góðar og ferskar hugmyndir og sýn á okkar rekstur. Við þökkum henni fyrir samstarfið og óskum henni velfarnaðar í spennandi verkefnum framundan,“ sagði Guðmundur Kristjánsson, forstjóri Brims.

Gréta lauk meistaragráðu í verk­fræði frá Há­skóla Íslands 2008.