Erlent

Greiða kven­kyns starfs­mönnum 43 prósent minna

Deloitte á Bretlandi greiðir 43,2 prósent minna til kvenkyns starfsmanna sinna en karlkyns. Stjórnvöld í Bretlandi hafa skikkað fyrirtæki að birta lista yfir launamun kynjanna þar sem 250 eða fleiri starfa.

Talsverður munur er á launum kynjanna hjá Deloitte í Bretlandi. Fréttablaðið/Getty

Deloitte á Bretlandi greiðir kvenkyns starfsmönnum sínum 43,2 prósent minna en karlkyns starfsmönnum. Forsvarsmenn fyrirtækisins höfðu áður birt töluna 18,2 prósent, en í þeim voru laun hæst þénandi eigenda og hluthafa ekki tekin með í reikninginn.

Stjórnvöld á Bretlandi hafa farið fram á það við fyrirtæki þar sem 250 eða fleiri starfa, að birtar verði upplýsingar um það hvernig starfsfólki er greitt eftir kyni.

Deilt hefur verið um launagreiðslur hvaða starfsmanna skuli taka í reikninginn í þessum efnum. Þannig hafa hafa þeir eigendur sem hæst þéna verið undanteknir í birtingu gagna einstaka fyrirtækja.

Hafa þingmenn stærstu flokkanna tekið slík fyrirtæki á teppið og vinsamlegast skikkað þau til að birta öll gögn. Þannig sagði Nicky Morgan hjá Íhaldsflokknum að óásættanlegt væri að notfæra sér slíka gloppu og birta einungis þær upplýsingar sem best koma út.

„Þessar niðurstöður eru ágætis áminning á það að við erum ekki með nógu margar konur í stjórnunarstöðum – þetta snýst ekki um ójöfn laun, heldur stöðu fyrirtækisins,“ sagði Emma Codd, mannauðsstjóri hjá Deloitte í Bretlandi.

Athugasemdir

Auglýsing
Auglýsing

Tengdar fréttir

Erlent

Big Short-fjár­festir veðjar gegn bönkum í Kanada

Flugfélög

Norwegian refsað harðar en Boeing á mörkuðum

Erlent

JP Morgan notast við taugavísindi í ráðningum

Auglýsing

Nýjast

Fé­lags­bú­staðir gefa út sam­fé­lags­skulda­bréf

Sumir telji að Icelandair sitji eitt að markaðnum

Krist­rún Tinna ráðin til Ís­lands­banka

Við­ræðurnar loka­til­raun til að bjarga WOW

Icelandair Group hækkar um meira en fjórðung

Icelandair Group hefur viðræður við WOW air

Auglýsing