Gina Tricot er Íslendingum að góðu kunn en fyrsta verslunin var opnuð í Gautaborg árið 1997 og eru nú um 150 verslanir staðsettar í Svíþjóð, Danmörku, Finnlandi og Þýskalandi. Ný verslun bætist nú við á Íslandi í gegnum umboðssamning við Lóu D. Kristjánsdóttur og Albert Þór Magnússon sem hafa nú rekið Lindex vörumerkið hér á landi í yfir áratug.
„Þegar tækifæri bauðst að gefa Íslendingum möguleika á að upplifa tískuvörumerkið Gina Tricot urðum við strax áhugasöm og hefur það verið sérlega ánægjulegt að undirbúa komu Gina Tricot til Íslands. Við erum full tilhlökkunar til framtíðarinnar hér á Íslandi,“ segir Lóa Dagbjört Kristjánsdóttir, umboðsaðili Gina Tricot á Íslandi.
Hluti vörulínu Gina Tricot hefur verið aðgengileg í gegnum vefsíðu noomi.is síðan 2019 en með samningi við eigendur tekur umboðssamningur við sem tryggir að vörumerki Gina Tricot verður nú að fullu gerð skil með netverslun sem opnar um miðjan mars og verslun sem opnar síðar á árinu með heildarvörulínu Gina Tricot.
Gina Tricot segist leggja mikla áherslu á samfélagslega ábyrgð og er meðal annars virkur þátttakandi sjálfbærari tískuiðnað. Fyrirtækið endurnýtir meðal annars eldri flíkur í samstarfi við hönnuði úr hönnunarháskólanum í Borås undir merkjum ”remake-design”. Gina Tricot er einnig samstarfsaðili UN Women, UNICEF og Alheimssjóð fyrir náttúruna, ásamt því að framleiða vörur undir vottunum svansmerkisins (e. The Nordic Swan Ecolabel) og GOTS (e. Global Organic Textile Standard) sem tryggir notkun 100% lífrænnar bómullar.
„Við erum stöðugt að leitast við að bæta okkur og verða betri með sjálfbærum hætti. Uppbygging Gina Tricot hefur leitt til þess að nú er Ísland að bætast við, sem fyrir okkur er afar spennandi. Í samvinnu við okkar umboðsaðila erum við himinlifandi að opna dyr Gina Tricot fyrir okkar viðskiptavini á Íslandi,“ segir Ted Boman, forstjóri Gina Tricot AB.
