Sigurður B. Stefánsson og Svandís Rún Ríkarðsdóttir sent frá sér nýja bók, Hlutabréfum á heimsmarkaði - eignastýring í 300 ár. Í henni er leitast við að auka skilning og gefa betri yfirsýn um alþjóðlegan fjármálamarkað. Höfundar bókarinnar hafa áratuga reynslu af eignastýringu. Sigurður var um árabil framkvæmdastjóri VÍB. Svandís Rún er sviðsstjóri eignastýringar hjá lífeyrissjóðnum Brú.

Þau skrifuðu saman bókina Lesið í markaðinn – leitin að bestu ávöxtun sem kom út árið 2016. Sigurður var jafnframt ritstjóri Hlutabréfa og eignastýringar sem kom út árið 2003, Verðbréfa og áhættu frá árinu 1994 og Hlutabréfamarkaðarins frá árinu 1990.

Svandís Rún Ríkarðsdóttir.
Mynd/Aðsend

„Hlutabréf eru besta leiðin til að byggja upp eignir og heimsmarkaðurinn er okkar heimamarkaður. Með betri þekkingu á hlutabréfamarkaðinum verður fjárfesting markvissari og dýpri skilningur næst á þeirri áhættu sem viðskiptunum fylgir.

Höftum á gjaldeyrismarkaði á Íslandi var að mestu rutt úr vegi árið 2017 en heimildir til viðskipta með erlend verðbréf höfðu verið háðar takmörkunum frá nóvember 2008. Við afnám hafta vöknuðu til lífsins spurningar sem legið höfðu í dvala í nærri áratug. Hvar er að finna góða ávöxtun, í hvaða löndum er vænlegast að fjárfesta, hvaða aðferðir er best að nota og síðast en ekki síst, hvernig er hægt að verjast óhóflegri áhættu? Í bókinni er leitað svara við þessum spurningum sem raunar brenna daglega vörum margra fjárfesta og sjóðstjóra. Í fjármálafræðinni og reynslubúri fjárfesta er oft að finna mismunandi svör við hverri spurningu. Ólíkar kenningar við greiningu og mismunandi forsendur eru helstu skýringar og í bókinni er lýst hvernig stundum er hægt að sameina það besta frá helstu skólum eignastýringar til að bæta árangur,“ segir í tilkynningu.

Salka gefur bókina út.

Mynd/Aðsend