Innlent

Friðrik Þór ráðinn forstjóri Viss

Friðrik Þór Snorrason lætur af störfum hjá RB í lok janúar.

Friðrik Þór Snorrason hefur ráðið sig sem forstjóra hjá Viss ehf. og verður einn af meðgeigendum félagsins. 

Friðrik er í dag forstjóri Reiknistofu bankanna (RB) og lætur af störfum þar í lok janúar eftir átta ára starf hjá félaginu. Eins og greint var frá í síðustu viku tekur Ragnhildur Geirsdóttir við sem forstjóri RB en hún lætur af störfum sem aðstoðarforstjóri WOW air.

Friðrik var framkvæmdastjóri tækni- og rekstrarþjónustu fyrirtækisins Skyggnis (nú partur af Origo) 2008-2011 og áður framkvæmdastjóri viðskiptaþróunar hjá Nýherja. 

Friðrik starfaði á árunum 2000-2003 sem forstöðumaður hagdeildar STRAX í Bandaríkjunum. Friðrik lauk BA-prófi í alþjóðasamskiptum frá University of Wisconsin í Bandaríkjunum 1994 og meistaraprófi í sama fagi frá London School of Economics í Englandi 1996.

Viss er sprotafyrirtæki sem sett var á laggirnar í árslok 2014. Félagið býður tryggingar fyrir farsíma og er eina fyrirtækið á Íslandi sem býður upp á farsímatryggingar með lágri sjálfsábyrgð og víðtækri tryggingavernd, að því er kemur fram í fréttatilkynningu frá Viss. Tryggingar félagsins eru seldar með nýjum farsímum hjá farsímafélögunum og fleiri viðurkenndum söluaðilum.

Viss rekur einnig verkstæði fyrir farsíma og veitir þannig íslenskum tryggingafélögum, viðskiptavinum þeirra og farsímanotendum viðgerðarþjónustu og aðstoð við útskipti á skemmdum farsímum.

Athugasemdir

Auglýsing
Auglýsing

Tengdar fréttir

Innlent

​Eyjólfur Árni gefur áfram kost á sér

Innlent

Prentmet kaupir prentsmiðjuna Odda

Innlent

Aukinn hagnaður Júpiters

Auglýsing

Nýjast

178 milljóna króna gjaldþrot SPRON-félags

Már: Ég bjóst síður við þessu

Fé­lag um vind­myllur í Þykkva­bæ gjald­þrota

Tölu­verð verð­lækkun á fast­eigna­markaði

Hluta­bréf í Icelandair rjúka upp í verði

Afland­skrónurnar fara hægt út

Auglýsing