Job.is hefur um árabil verið atvinnuvefur Vísis.is en færist nú alfarið yfir á Fréttablaðið.is undir slóðinni atvinna.frettabladid.is. Einnig er hægt að fara inn á Fréttablaðið.is og smella á hlekkinn Atvinna í haus síðunnar. Viðmót síðunnar verður áfram hið sama og munu ný og fersk störf birtast í hverri viku.

Auglýsingar úr Atvinnublaði Fréttablaðsins, sem fylgir Fréttablaðinu alla laugardaga, munu vitaskuld birtast einnig á Job.is. Job.is er fyrsti íslenski atvinnuvefurinn en hann var stofnaður árið 1999. Fyrirtækið hefur yfirburðaþekkingu á þörfum atvinnuleitenda og auglýsenda og er með þúsundir einstaklinga á skrá hjá sér.