Ráðningar

Fjórir nýir sérfræðingar til Kolibri

Starfsmannafjöldi fyrirtækisins hefur þar með tvöfaldast á tveimur árum en hjá Kolibri starfa í dag yfir 30 hönnuðir, ráðgjafar og hugbúnaðarsérfræðingar.

Emanuele, Benedikt, Anna Signý og Orri eru gengin til liðs við Kolibri.

Fjórir nýir sérfræðingar hafa gengið til liðs við nýsköpunarfyrirtækið Kolibri. Starfsmannafjöldi fyrirtækisins hefur þar með tvöfaldast á tveimur árum en hjá Kolibri starfa í dag yfir 30 hönnuðir, ráðgjafar og hugbúnaðarsérfræðingar. 

„Ráðningarnar eru liður í frekari uppbyggingu sérhæfðs ráðgjafateymis Kolibri sem aðstoðar fyrirtæki við nýsköpun út frá hugmyndafræði notendamiðaðra hönnunaraðferða (e. design thinking),“ segir í tilkynningu.

Á meðal viðskiptavina Kolibri eru Tryggingamiðstöðin, Íslandsbanki, Icelandair og Marel.

Anna Signý Guðbjörnsdóttir mun leiða uppbyggingu á ráðgjöf og rannsóknum á notendaupplifunum og notendaprófunum hjá Kolibri. Anna starfaði áður hjá Origo sem sérfræðingur í notendaupplifun en þar áður vann hún hjá Siteimprove í Kaupmannahöfn. Anna er með cand.it í digital design and communication frá IT háskólanum í Kaupmannahöfn en hún hefur einnig lokið námi í margmiðlunarhönnun og vefþróun. Anna situr í stjórn Samtaka vefiðnaðarins og hefur kennt notendaupplifun við Háskóla Íslands og Tækniskólann. Maki Önnu er Kristján Eyþór Eyjólfsson rafmagnstæknifræðingur og eiga þau tvo fjögurra ára drengi.

Benedikt Hauksson hefur verið ráðinn teymisþjálfari og stafrænn ráðgjafi hjá Kolibri. Benedikt hefur nýlokið meistaranámi frá Hyper Island í Stokkhólmi í stafrænni stjórnun (e. Digital Management). Áður hafði hann lokið námi frá Listaháskólanum í London í stefnumótun á auglýsingamörkuðum. Hann starfaði áður hjá auglýsingastofunni Brandenburg sem viðskiptastjóri. Fyrir þann tíma starfaði Benedikt hjá stafræna markaðsráðgjafafyrirtækinu Isobar við stafræna stefnumótun fyrirtækja. Benedikt stundar hjólreiðar og hestamennsku af kappi utan vinnu. Kærasta Benedikts er Þorgerður Þórhallsdóttir listakona.

Emanuele Milella, eða „Manu“ eins og hann er oftast kallaður, hefur verið ráðinn stafrænn hönnuður hjá Kolibri. Hann er frá Ítalíu en hefur búið á Íslandi síðan 2006. Manu hefur starfað við hönnun frá 1997, m.a. sem hönnunarstjóri hjá Meniga og þar áður við hönnun hjá Latabæ. Manu er með gráðu í viðskipta- og hagfræði frá Universitá degli studi di Salerno. Eiginkona Manu er Tinna Rún Eiríksdóttir og eiga þau saman tvær dætur.

Ólafur Örn Nielsen, framkvæmdastjóri Kolibri.

Orri Eyþórsson hefur verið ráðinn stafrænn hönnuður hjá Kolibri. Orri starfaði áður hjá Reon sem hönnuður en fyrir þann tíma starfaði hann hjá Haelo í San Francisco og Apon á Íslandi. Orri lauk námi í margmiðlunarhönnun og hefur starfað við grafíska hönnun frá árinu 2013. Að vinnudegi loknum er Orri liðtækur knattspyrnumaður en hann hefur undanfarin ár spilað í 4. deildinni með knattspyrnufélögunum Hvíta Riddaranum og KF Álafossi.

„Það er mikill fengur að þessum liðsstyrk. Það er mjög mikilvægt að hafa aðgang að vel menntuðu og öflugu fólki í þeim mikla vexti sem einkennir stafræna þróun hér á landi. Kolibri hefur sérhæft sig í að hjálpa íslenskum fyrirtækjum í þjónustuhönnun. Við aðstoðum þau við að einfalda verkferla, auka virði og skapa ánægjulega viðskiptaupplifun. 

Við teljum að hönnun sé lykilinn í því að byggja upp þjónustu með þarfir viðskiptavinarins í huga. Í því felst meðal annars að kortleggja hvernig viðskiptavinir eiga samskipti við fyrirtækin og þróa lausnir sem auka virði þessara samskipta. Með því að fá Önnu, Benedikt, Orra og Emanuele til liðs við okkur eflum við enn frekar þekkingu okkar á þessu sviði,“ er haft eftir Ólafi Erni Nielsen, framkvæmdastjóra Kolibri.  

Athugasemdir

Auglýsing
Auglýsing

Tengdar fréttir

Ráðningar

Sylvía nýr for­stöðu­maður hjá Icelandair

Ráðningar

Rúnar Steinn til Íslandsbanka að nýju

Ráðningar

Starkaður og Eva til Creditin­fo

Auglýsing

Nýjast

Erlendir sjóðir fjárfestu fyrir 420 milljónir króna í Takumi

Vilhjálmur með hálfan milljarð í eigið fé

170 milljónir farið í styrk­veitingar vegna „Brot­hættar byggðar“

Lág­gjalda­flug­fé­lögin í Evrópu sýna tennurnar

Leigusalar í mál við House of Fraser

Telia kaupir Bonnier fyrir 106 milljarða króna

Auglýsing