Innlent

Fer fram á nauðungarsölu á Hótel Adam

Íslandsbanki hefur farið fram á að fasteignanúmer á Skólavörðustíg 42, þar sem Hótel Adam er til að mynda til húsa, verði sett á nauðungarsölu.

Um er að ræða sex fasteignanúmer og nemur fjárhæð hverrar kröfu í kringum 25 milljónir. Fréttablaðið/Anton Brink

Íslandsbanki hefur farið fram á að húsið á Skólavörðustíg 42 verði sett á nauðungarsölu. Í húsinu rekur Hótel Adam starfsemi sína, en það var töluvert til umfjöllunar fjölmiðla á sínum tíma.

Tilkynningin var birt í Lögbirtingablaðinu í dag en þar segir enn fremur að verði ekki búið að ganga frá greiðslum fyrir 14. júní verði húsið selt á skrifstofu sýslumannsins á höfuðborgarsvæðinu.

Fasteignanúmerin eru sex talsins og nemur fjárhæð hverrar kröfu í kringum 25 milljónum króna. Eigandi fasteignanna er R. Guðmundsson, rekstraraðili og eigandi hótelsins.

Hótel Adam komst fyrst í fréttirnar fyrir rúmum tveimur árum þegar upp komst að gestum væri ráðlagt að drekka ekki vatn úr krönum á hótelinu. Raunar var þeim ráðlagt að kaupa sér flöskur sem hótelið fyllti sjálft af kranavatni.

Eftirlitsmenn frá Eflingu stéttarfélagi fóru í eftirlitsferð á hótelið um svipað leyti og kom þar í ljós að annar af tveimur starfsmönnum sem þá voru á vakt var ekki með vinnustaðaskírteini að því er kemur fram í frétt RÚV um málið.

Athugasemdir

Auglýsing
Auglýsing

Tengdar fréttir

Innlent

Yfir 5 prósenta hækkun á bréfum Icelandair

Innlent

Bankaráð vill frekari frest vegna Samherjamálsins

Innlent

Þrjár til liðs við Samtök atvinnulífsins

Auglýsing

Nýjast

Fjárfesta fyrir 6,2 milljarða króna í Alvotech

Veitinga­markaðurinn leitar jafn­vægis

Ágústa, Geir og Hulda bætast við hluthafahópinn

Segja auglýsingar VR fjarri öllum raunveruleika

Skotsilfur: Kauphallirnar bítast um Marel

Hallinn minnkar á hreinni fjáreign Íslendinga

Auglýsing