Markaðurinn

Fara fram á endurgjald fyrir stofnfjárhluti

Verðmæti stofnfjár Sparisjóðsins var 151 milljón krónu hærra en Landsbankinn greiddi stofnfjáreigendum.

Fréttablaðið/Pjetur

Vestmannaeyjabær hefur ákveðið að höfða dómsmál á hendur Landsbankanum til greiðslu endurgjalds fyrir stofnfjárhluti í Sparisjóði Vestmannaeyja. 

Þetta var samþykkt á fundi bæjarráðs í dag. Í fréttatilkynningu frá sveitarfélaginu segir að við yfirtöku Sparisjóðsins árið 2015 hafi Landsbankinn greitt stofnfjáreigendum samtals 332 milljónir króna fyrir allt stofnfé í sjóðnum. 

Vestmannaeyjabær og Vinnslustöðin, sem áttu um tíu prósenta og fimm prósenta hlut í sjóðnum, hafi haft efasemdir um verðmatið. Dómstólar hafi fallist á beiðni þeirra um að meta verðmæti stofnfjár sparisjóðsins. 

Niðurstaða hinna dómkvöddu matsmanna var sú að verðmæti stofnfjár Sparisjóðsins væri 483 milljónir króna eða 151 milljón krónu hærri fjárhæð en Landsbankinn greiddi stofnfjáreigendum við yfirtökuna.

Var farið fram á að Landsbankinn greiddi stofnfjáreigendum mismuninn fyrir eign þeirra í sparisjóðnum en því hefur Landsbankinn hafnað, að því er kemur fram í tilkynningunni.

„Fari svo að dómstólar dæmi Vestmannaeyjabæ í vil, mun það hafa áhrif á aðra stofnfjáreigendur, svo sem einstaklinga, lífeyrissjóði og fyrirtæki,“ segir í tilkynningunni.

Athugasemdir

Auglýsing
Auglýsing

Tengdar fréttir

Innlent

Askja hagnaðist um 368 milljónir

Innlent

Vonbrigði með litla lækkun á tryggingagjaldi

Innlent

Skotsilfur: Ótraust bakland

Auglýsing

Nýjast

Birkir Hólm ráðinn forstjóri Samskipa

Seðlabankinn skoðar útgáfu á rafkrónum

Medis hagnaðist um 1,8 milljarða

Ný í­búð kostar að meðal­tali 51 milljón

Holyoake seldi fyrir 800 milljónir á tveimur dögum

Þurfum að vera meðvitaðri um orkuskiptin

Auglýsing