Innlent

Face­book þjónustar ís­lenskt markaðs­fólk

Aðstoðar stafrænar auglýsingastofur við að byggja upp og hámarksárangri í gegnum Facebook.

Guðmundur Pálsson, framkvæmdastjóri auglýsingastofunnar Pipar\TBWA.

Facebook hefur ákveðið að horfa til Íslands sem markaðssvæðis og opna fyrir þjónustu sína hér á landi. Fyrsta fyrirtækið sem Facebook vinnur með hér á landi er stafræna markaðsstofan The Engine, sem er í eigu Pipar\TBWA. Þetta kemur fram í tilkynningu.

„Síðastliðin ár hefur Google litið á Ísland sem markaðssvæði og hefur aðstoðað fyrirtæki við ýmislegt tengt Google Ads herferðum fyrir sína viðskiptavini. Facebook hefur hins vegar ekki litið á Ísland sem markaðssvæði eins og þeir gera með flest önnur lönd í heiminum. Nú verður hins vegar breyting á og þau tímamót að eiga sér stað að Facebook ætlar að líta á Ísland sem markaðssvæði og nota árið 2019 sem prufuár,” segir Guðmundur Pálsson, framkvæmdastjóri auglýsingastofunnar Pipar\TBWA, sem er í nánu sambandi við Axel Strelow hjá Facebook sem mun stýra verkefninu.

Strelow hefur verið svæðisstjóri fyrir norræna markaðinn hjá Facebook og aðstoðar stafrænar auglýsingastofur við að byggja upp og hámarksárangri í gegnum Facebook.

„Strelow starfar með stærstu aðilunum í greininni og hjálpar fyrirtækjum að móta og framkvæma árangursríkar auglýsingaherferðir á Facebook Business Manager. Hann er með aðsetur í höfuðstöðvum Facebook í Dublin og er nú að byrja að starfa með íslenska markaðnum. Stafræni auglýsingamarkaðurinn á Íslandi hefur farið hratt vaxandi að undanförnu og Strelow segist hlakka til að leggja auglýsendum á Íslandi lið við að ná árangri í auglýsingaherferðum á Facebook Business Manager,” segir Guðmundur. 

Axel Strelow verður einn af aðal fyrirlesurunum á markaðsráðstefnunni Reykjavik Internet Marketing Conference (RIMC) sem haldin verður 5. apríl nk. Guðmundur segir að það verði fróðlegt að sjá hvað hann hefur fram að færa á ráðstefnunni sem markaðsfólk ætti ekki að láta fram hjá sér fara og jafnvel muni koma fram áhugaverð tölfræði fram um íslenska markaðinn.

 

Athugasemdir

Auglýsing
Auglýsing

Tengdar fréttir

Innlent

Prentmet kaupir prentsmiðjuna Odda

Innlent

Aukinn hagnaður Júpiters

Innlent

178 milljóna króna gjaldþrot SPRON-félags

Auglýsing

Nýjast

Már: Ég bjóst síður við þessu

Fé­lag um vind­myllur í Þykkva­bæ gjald­þrota

Tölu­verð verð­lækkun á fast­eigna­markaði

Hluta­bréf í Icelandair rjúka upp í verði

Afland­skrónurnar fara hægt út

Óbreyttir stýrivextir

Auglýsing