Innlent

Eik tapaði dómsmáli gegn Andra Má

Héraðsdómur taldi málatilbúnað Eikar ekki samrýmast nægjanlega áskilnaði um glöggan og skýran málatilbúnað í stefnu.

Eik fasteignafélag hafði ekki erindi sem erfiði í málarekstri sínum gegn Andra Má Ingólfssyni, forstjóra og eiganda Primera Travel Group, í tengslum við kaup fasteignafélagsins á Heimshótelum.

Eik keypti Heimshótel af Andra Má snemma árs 2016 fyrir 3,6 milljarða króna en Heimshótel heldur utan um fasteignirnar að Pósthússtræti 2, Tryggvagötu 28 og Hafnarstræti 9-11.

Í dómi Héraðsdóms Reykjavíkur segir að í framhaldi af afhendingunni hafi verið gerð endurskoðun á reikningum félagsins fyrir árið 2016 sem leiddi til þess að gerðar voru athugasemdir við færslur vegna framlaga Heimshótela í viðhaldssjóð á tíu ára tímabili sem ekki voru taldar samræmast lögum um tekjuskatt. Færð var leiðrétting í ársreikninginn fyrir árið 2016 og munu Heimshótel hafa greitt rúmar 53 milljónir króna í tekjuskatt vegna umræddrar leiðréttingar.

Héraðsdómur taldi málatilbúnað Eikar ekki samrýmast nægjanlega áskilnaði um glöggan og skýran málatilbúnað í stefnu. Annmarkar á málatilbúnaðinum hafi verið til þess fallnir að torvelda efnislegar varnir og gera dómaranum erfitt um vik að leggja dóm á sakarefni málsins. Var málinu vísað frá héraðsdómi og Eik gert að greiða Andra Má 1,5 milljónir í málskostnað.

Athugasemdir

Auglýsing
Auglýsing

Tengdar fréttir

Innlent

Ó­gilda sam­runa Lyfja og heilsu og Apó­teks MOS

Innlent

Fjár­mála­reglurnar veita falskt öryggi

Hlutabréfamarkaður

Origo hækkaði um 5,77 prósent

Auglýsing

Nýjast

Uber seldi skuldabréf fyrir tvo milljarða dala

Krónan réttir úr kútnum

Sala Domino's á Íslandi jókst um tæp 5 prósent

Már kynnti hugmyndir um innflæðishöftin

Greiðir milljarða í málskostnað vegna Tchenguiz

Af­koma í ferða­þjónustu á lands­byggðinni versnar

Auglýsing