Innlent

Eigendur IKEA á Íslandi fengu 500 milljónir í arð

​Eigendur IKEA á Íslandi greiddu sér 500 milljónir króna í arð vegna síðasta rekstrarárs. Hagnaður rekstrarfélags IKEA nam um 980 milljónum og jókst um 30 prósent.

EBITDA rekstrarfélags IKEA hækkaði um þriðjung á síðasta rekstrarári. Fréttablaðið/Ernir

Eigendur IKEA á Íslandi, bræðurnir Jón og Sigurður Gísli Pálmasynir, greiddu sér 500 milljónir króna í arð vegna síðasta rekstrarárs, að því er fram kemur í nýbirtum ársreikningi Miklatorgs sem rekur verslunina.

Hagnaður Miklatorgs nam ríflega 982 milljónum króna á síðasta rekstrarári, frá september árið 2016 til ágúst 2017, og jókst um 30 prósent frá fyrra rekstrarári. Félagið velti 10,4 milljörðum króna á rekstrarárinu og jókst veltan um 15 prósent frá fyrra ári. Rekstrargjöld námu alls 9,1 milljarði á rekstrarárinu og jukust um 13 prósent á milli ára.

EBITDA Miklatorgs - afkoma fyrir fjármagnsliði, afskriftir og skatta - var um 1,3 milljarðar króna á rekstrarárinu og hækkaði um þriðjung frá fyrra rekstrarári.

Miklatorg átti eignir upp á tæpa 2,2 milljarða króna í lok ágúst í fyrra en á sama tíma var eigið fé félagsins ríflega 535 milljónir og skuldirnar námu 1,6 milljörðum.

Heildarlaun Þórarins Ævarssonar, framkvæmdastjóra Miklatorgs, voru 61 milljón króna á rekstrarárinu og hækkuðu um 42 prósent frá fyrra rekstrarári þegar þau námu 43 milljónum. 317 stöðugildi voru hjá félaginu í lok ágúst í fyrra borið saman við 273 stöðugildi í lok ágúst 2016.

Athugasemdir

Auglýsing
Auglýsing

Tengdar fréttir

Innlent

Heimilt verður að flytja inn hrátt kjöt og egg

Innlent

Ölgerðin segir upp 25 starfsmönnum

Innlent

BBA Legal semur jarð­varma­lög­gjöf í Dj­í­bútí

Auglýsing

Nýjast

Hús­leitir hjá eig­anda Arnar­lax

Sviss­neski bankinn UBS fær 500 milljarða sekt

Sigurður: Töpum öll á því að ganga á höfuðstólinn

Jón Ólafur býður sig fram til formanns SVÞ

Meiri eftirspurn eftir grænum bréfum OR en áður þekktist

Ó­skiljan­leg hags­muna­gæsla

Auglýsing