Innlent

Breytt stefna varðandi eignarhald

Bæjarstjórn Hafnarfjarðar hefur breytt stefnu sinni varðandi eignarhald íþróttamannvirkja. Þá hefur eftirlitsnefnd um fjárhagsleg samskipti félaganna og bæjarins hefur verið endurvakin, að þessu sinni með óháðum fulltrúum.

Hafnafjörður Fréttablaðið/Stefán

Bæjarstjórn Hafnarfjarðarbæjar hefur breytt stefnu sinni varðandi eignarhald íþróttamannvirkja, héðan af er miðað við hundrað prósent eign bæjarins, að uppfylltum öllum skilyrðum. Þá hefur Hafnarfjarðarbær forræði yfir útboðum og framkvæmdum. Þetta kemur fram í fréttatilkynningu frá Guðlaugu S Kristjánsdóttur og Einari Birki Einarssyni, óháðum bæjarfulltrúum. 

„Í tilefni af umræðu um samskipti bæjarfulltrúa og íþróttafélaga er undirrituðum ljúft og skylt að fara yfir breytingar sem við höfum undirrituð unnið að á þeim vettvangi á kjörtímabilinu. Fyrst er að nefna óháða úttekt á fjárhagslegum samskiptum íþróttafélaganna við bæinn. Sú skýrsla varð grunnur að gagngerri endurskoðun á bæði rekstrar- og þjónustusamningum við öll hlutaðeigandi íþróttafélög í Hafnarfirði,“ segir í tilkynningunni. 

Þá byggja nýjir samningar á rauntölum úr rekstri og þjónustusamningar á haldbærum gögnum. Samstarf við Íþróttabandalag Hafnarfjarðar(ÍBH) hefur veirð eflt, um leið og beint aðgengi einstakra félaga framhjá þeim vettvangi að bæjarstjóra og kjörnum fulltrúum hefur verið takmarkað til muna. ÍBH samþykkti á síðasa þingi sínu forgangsröðun í nýbyggingum sem bæjarstjórn hefur ekki gert breytingar á. 

Eftirlitsnefnd um fjárhagsleg samskipti félaganna og bæjarins hefur verið endurvakin, að þessu sinni með óháðum fulltrúum. „Það er og verður okkar áhersla að bæjarfulltrúar eigi ekki að hafa bein afskipti af fjárhagslegum eða öðrum hagsmunum íþróttafélaganna, heldur eigi samningar að vera skýrir og allt uppi á borðum.“

Athugasemdir

Auglýsing
Auglýsing

Tengdar fréttir

Innlent

Íslensk verðbréf kaupa Viðskiptahúsið

Innlent

Icelandair hækkar í fyrstu viðskiptum

Innlent

Ásett fer­metra­verð ný­bygginga hækkað í borginni

Auglýsing

Nýjast

Mun líklegri til að skilja við maka en skipta um banka

Hvítbókin: Ríkið selji í bönkunum

SFS segir alvarlegt að Ágúst fari rangt með mál

Hagkerfið tapar milljörðum á umferðartöfum

Seðlabankinn skýri stefnu sína um inngrip

Kaupir skulda­bréf til baka fyrir 21 milljarð króna

Auglýsing