Ásbjörg Kristinsdóttir og Jóna Bjarnadóttir hafa verið ráðnir sem framkvæmdastjórar hjá Landsvirkjun, . Ásbjörg verður framkvæmdastjóri á sviði framkvæmda. Hún hefur starfað hjá Landsvirkjun með hléum frá árinu 2002, undanfarin ár sem forstöðumaður á framkvæmdasviði. Ásbjörg stýrði byggingu Búrfellsstöðvar II, fyrst kvenna á Íslandi til að stýra slíku verkefni. Hún er með doktorspróf í verkfræði og stjórnun frá MIT. Jóna verður framkvæmdastjóri nýs sviðs samfélags- og umhverfis. Jóna hóf störf hjá Landsvirkjun árið 2014 en hefur frá árinu 2017 veitt deild umhverfis og auðlinda forstöðu. Hún er með meistaragráðu í umhverfisstjórnun og stefnumótun frá háskólanum í Lundi. Þetta kemur fram í fréttatilkynningu frá Landsvirkjun

Um leið og Ásbjörg og Jóna taka við framkvæmdastjórastöðum sínum verða ýmsar aðrar breytingar á skipulagi Landsvirkjunar. Þannig hefur Einar Mathiesen, sem áður stýrði orkusviði fyrirtækisins tekið við nýju sviði vinds og jarðvarma. Gunnar Guðni Tómasson tekur svo við sem framkvæmdastjóri nýs sviðs vatnsafls, en hann stýrði áður framkvæmdasviði.

Kynjahlutföll nú jöfn í framkvæmdastjórn Landsvirkjunar, í fyrsta skipti í tæplega 56 ára sögu fyrirtækisins. Alls eiga átta sæti í framkvæmdastjórn Landsvirkjunar.

Jóna Bjarnadóttir, framkvæmdastjóri sviðs samfélags- og umhverfis
Ásbjörg Kristinsdóttir, framkvæmdastjóri á sviði framkvæmda