Arnþór Jónsson hefur tekið við sem sölustjóri innanlandsmarkaðar hjá bílaleigunni AVIS en starfið er tilkomið vegna aukinna umsvifa og mikils vaxtar á starfssemi AVIS innanlands, að því er kemur fram í fréttatilkynningu frá bílaleigunni. Arnþór starfaði áður sem verkefnastjóri á innanlandsmarkaði.

Arnþór starfaði áður sem ráðgjafi á fyrirtækjasviði hjá Intrum/Motus ehf. á árunum 2010 til 2018 áður en hann gekk til liðs við AVIS.

Hann lauk M.Sc. gráðu í alþjóðaviðskiptum með áherslu á kínversku og markaðsfræði frá Háskólanum í Reykjavík árið 2010 og B.Sc. gráðu í viðskiptafræði frá Háskólanum á Bifröst árið 2008.

AVIS er ein af stærstu bílaleigunum sem starfa á Íslandi en auk þess að leigja út bíla er fyrirtækið með flotalausnir fyrir fyrirtæki sem og langtíma- og vetrarleigu. Hjá AVIS starfa um 150 manns.