Innlent

Þarf að greiða 162 milljónir til Samskipa

Eimskip hefur verið dæmt til að greiða Samskipum 162 milljónir króna í skaðabætur að viðbættum vöxtum, dráttarvöxtum og málskostnaði.

Eimskip þarf einnig að greiða 45 milljónir í málskostnað.

Héraðsdómur Reykjavíkur felldi í gær dóm þess efnis að Eimskipi bæri að greiða Samskipum skaðabætur vegna máls sem Samskip höfðuðu í október 2011 vegna samkeppnisbrota Eimskips. Eimskip segir það hins vegar gefa ranga mynd af dómnum.

Í tilkynningu frá Samskipum kemur fram að málshöfðunin sem héraðsdómur hafði til úrlausnar hafi verið grundvölluð á ólögmætum aðgerðum sem Hf. Eimskipafélag Íslands hafi beitt Samskip á árunum 1999-2002 og sektuðu samkeppnisyfirvöld Eimskip fyrir ólögmætar aðgerðir félagsins. 

Málið nú var höfðað gegn félaginu A1988 hf. en eftir efnahagshrunið leitaði Eimskip nauðasamninga og var nafni félagsins breytt í A1988 hf. á hluthafafundi félagsins þann 8. september sama ár.

„Eimskip bar því við að eiga ekki aðild að málinu, en í dómnum kemur fram að nafnabreytingar Eimskips fái ekki haggað þeirri staðreynd að flutningastarfsemi félagsins á fyrri kennitölu þess hafi sannanlega flust, með öllum réttindum og skyldum, yfir til hinnar nýju kennitölu A1988 hf.“

Segir í tilkynningunni frá Samskipum að málið hafi verið höfða tilað sækja skaðabætur en Eimskip var dæmt til að greiða stjórnvaldssekt að fjárhæð 230 milljónir króna fyrir brot á samekppnislögum. 

„Brotin fólust í umfangsmiklum aðgerðum Eimskips þar sem félagið misnotaði markaðsráðandi stöðu sína gegn Samskipum, m.a. með því að gera viðskiptamönnum sínum bæði ólögmæt tilboð og semja við þá um ólögmæt einkakaup eða tryggðarafslætti,“ segir í tilkynningunni.

Samkvæmt dómnum þarf Eimskip að greiða Samskipum skaðabætur upp á 162 milljónir króna, auk vaxta, dráttarvaxtar og málskostnaðar sem nemur 45 milljónum króna.

Uppfært 16.45:

Eimskip sendi eftirfarandi tilkynningu á fjölmiðla vegna fréttaflutnings um málið:

Vegna fréttar sem birtist fyrst á vef Samskipa í dag 5. desember 2018.

Þar er því slegið fram að Eimskip hafi verið dæmt til að greiða Samskipum háar bætur. Þessi frétt er röng og er þess óskað að þeir fjölmiðlar sem hana hafa birt leiðrétti hjá sér.

Rétt er að félagið A 1988  hefur verið dæmt til að greiða Samskipum bætur en það félag hefur ekki neitt með rekstur Eimskips að gera og því er Eimskip ekki að greiða neinar bætur til Samskipa. Myndbirting með fréttinni er einnig hörmuð og gefur í raun ranga mynd af dómi héraðsdóms. Það er ljóst að Eimskipafélag Íslands HF var og  hefur aldrei átt neina aðild að málinu.

Athugasemdir

Auglýsing
Auglýsing

Tengdar fréttir

Innlent

Níu­tíu þúsund króna dag­sektir á fisk­vinnslu

Innlent

Júlíus Vífill fékk tíu mánaða skilorð

Innlent

Nýsköpunarsjóður atvinnulífsins fjárfestir í Ankeri

Auglýsing

Nýjast

Laura Ashley lokar 40 verslunum í Bretlandi

Yfir 5 prósenta hækkun á bréfum Icelandair

Bankaráð vill frekari frest vegna Samherjamálsins

Þrjár til liðs við Samtök atvinnulífsins

Fjárfesta fyrir 6,2 milljarða króna í Alvotech

Veitinga­markaðurinn leitar jafn­vægis

Auglýsing