Markaðurinn

Álver Norðuráls hagnast um þrjá milljarða króna

Álver Norðuráls á Grundartanga skilaði hagnaði upp á 29 milljónir dala, sem jafngildir ríflega 3 milljörðum króna, á síðasta ári samkvæmt nýbirtum ársreikningi félagsins.

Ragnar Guðmundsson, forstjóri Norðuráls

Álver Norðuráls á Grundartanga skilaði hagnaði upp á 29 milljónir dala, sem jafngildir ríflega 3 milljörðum króna, á síðasta ári samkvæmt nýbirtum ársreikningi félagsins. Til samanburðar tapaði álverið 21,2 milljónum dala árið 2016 en það var versta afkoma í tuttugu ára sögu fyrirtækisins.

Rekstrartekjur Norðuráls, sem er í eigu kanadíska álfyrirtækisins Century Aluminum, námu 658 milljónum dala, 68,6 milljörðum króna, í fyrra og jukust um tæplega 28 prósent á milli ára. Þá hækkaði rekstrarkostnaður um 23 prósent og var 553 milljónir dala.

Hagnaður álversins fyrir skatta og fjármagnsliði nam 65 milljónum dala í fyrra samanborið við 26 milljónir árið 2016. Eigið fé félagsins var jákvætt um 404 milljónir í lok síðasta árs borið saman við 375 milljónir á sama tíma árið á undan og var eiginfjárhlutfallið um sextíu prósent.

Athugasemdir

Auglýsing
Auglýsing

Tengdar fréttir

Innlent

Jón Diðrik fer úr stjórn Skeljungs

Innlent

Líf og sál til liðs við Siðferðisgáttina

Innlent

Sandra nýr verk­efna­stjóri Ís­lenska bygginga­vett­vangsins

Auglýsing

Nýjast

Horner dregur framboð sitt til baka

Tómas Már tekur sæti í stjórn Íslandsbanka

Loðdýrabú á Íslandi rekin með tapi frá 2014

Bjarni sest nýr í stjórn Símans

Hrönn fjórði stjórnandinn sem fer frá Sýn

Bjóða upp á fast leigu­verð í sjö ár

Auglýsing