Innlent

Á­kæra gefin út í Icelandair-máli

Héraðs­sak­sóknari hefur gefið út á­kæru í Icelandair-máli. Yfir­maður fé­lagsins er grunaður um að hafa nýtt sér inn­herja­upp­lýsingar í slag­togi við þrjá aðra menn og átt í við­skiptum nokkrum dögum fyrir kol­svarta af­komu­til­kynningu.

Maðurinn var yfirmaður hjá Icelandair Group en grunur leikur á að hann hafi nýtt sér innherjaupplýsingar í slagtogi við þrjá aðra menn. Fréttablaðið/Anton brink

Gefin hefur verið út ákæra á hendur yfirmanni hjá Icelandair sem sendur var í leyfi frá störfum síðasta sumar vegna meintra brota á lögum um verðbréfaviðskipti. Það staðfestir Ólafur Þór Hauksson, héraðssaksóknari, í samtali við Fréttablaðið en embættið lauk á dögunum rannsókn vegna málsins.

Sjá einnig: Rannsókn lokið í Icelandair-máli

Fréttablaðið greindi fyrst frá málinu í júlí í fyrra en skömmu síðar kom í ljós að yfirmaðurinn hefði verið í slagtogi við að minnsta kosti þrjá aðra menn, sem einnig liggja undir grun vegna málsins. Einn þeirra hlaut fyrir ekki svo löngu fangelsisdóm í Hæstarétti fyrir peningaþvætti, fíkniefnabrot og rekstur á spilavíti. 

Eru þeir grunaðir um að hafa nýtt sér innherjaupplýsingar í nokkur skipti sem þeir fengu frá yfirmanninum til að gera framvirka samninga með hlutabréf í félaginu Icelandair Group. Eiga samningarnir að hafa verið gerðir nokkrum dögum áður en félagið sendi frá sér kolsvarta afkomutilkynningu til Kauphallar í febrúar á síðasta ári. 

Kyrrsettar eignir upp á tugi milljóna króna

Í umræddum viðskiptum veðjuðu mennirnir á að bréf félagsins myndu hríðfalla í verði, sem varð svo raunin, en gengi bréfanna lækkaði um 24 prósent sama dag og afkomuviðvörunin var birt.

Héraðssaksóknari hefur kyrrsett tugi milljóna króna í tengslum við rannsókn málsins sem eru ætlaður hagnaður mannanna af viðskiptunum. Allt að sex ára fangelsisdómur getur legið við innherjasvikum samkvæmt lögum um verðbréfaviðskipti. 

Athugasemdir

Auglýsing
Auglýsing

Tengdar fréttir

Viðskipti

Rannsókn lokið í Icelandair-máli

Innlent

TM leggur fram skuldbindandi kauptilboð í Lykil

Innlent

Hagnaður Bláa lónsins jókst um þriðjung

Auglýsing

Nýjast

Erlent

OPEC-ríkin auka framleiðslu

Markaðurinn

Sex þúsund gætu misst vinnuna

Innlent

Keypti í Sýn en seldi í Símanum

Innlent

Sparisjóður Vestmannaeyja yfirtekinn á undirverði

Innlent

Lansdowne keypti 2,5 prósent í Arion banka

Efnahagsmál

Kaupmáttur aukist um 4 prósent

Auglýsing