Þýskaland

Afkoma Deutsche langt umfram væntingar

Hagræðingaraðgerðir nýs bankastjóra Deutsche Bank koma fram í afkomu ársfjórðungsins sem verður langt umfram væntingar greinenda.

Útibú Deutsche Bank í Kraká í Pólandi. Fréttablaðið/Getty

Afkoma Deutsche Bank á öðrum fjórðungi ársins verður meira en tvöfalt betri en markaðsgreinendur höfðu þorað að spá, að því er Financial Times greinir frá.

Væntur hagnaður þýska fjárfestingabankans fyrir skatta nemur 700 milljónum evra og 400 milljónum evra eftir skatta samanborið við 822 milljónir og 466 milljónir á sama fjórðungi í fyrra. Bankinn birtir endanlegt uppgjör 25. júlí. 

Þrátt fyrir samdrátt á milli ára er uppgjörið talið mjög gott í ljósi þess að markaðsgreinendur höfðu gert ráð fyrir 321 milljónar evra hagnaði fyrir skatta og 159 milljóna evra hagnaði eftir skatta.

Í tilkynningu um vænta afkomu segist Deutsche gera ráð fyrir tekjum upp á 6,6 milljarða evra sem er 200 milljónum yfir spám. Það gæti slegið á áhyggjur yfir því að hagræðingar bankans kæmu niður á tekjugrunninum. 

Christian Sewing var skipaður bankastjóri Deutsche Bank í byrjun apríl en hann hét því að flýta hagræðingu í rekstri bankans og að taka róttækari aðgerðir til þess að endurskipuleggja starfsemina. Síðan þá hefur starfsgildum verið fækkað um 1.700. 

Athugasemdir

Auglýsing
Auglýsing

Tengdar fréttir

Innlent

Heimilt verður að flytja inn hrátt kjöt og egg

Laxeldi

Hús­leitir hjá eig­anda Arnar­lax

Innlent

Ölgerðin segir upp 25 starfsmönnum

Auglýsing

Nýjast

Sviss­neski bankinn UBS fær 500 milljarða sekt

BBA Legal semur jarð­varma­lög­gjöf í Dj­í­bútí

Sigurður: Töpum öll á því að ganga á höfuðstólinn

Jón Ólafur býður sig fram til formanns SVÞ

Meiri eftirspurn eftir grænum bréfum OR en áður þekktist

Ó­skiljan­leg hags­muna­gæsla

Auglýsing