Erlent

Afkoma Delta versnar vegna hærra olíuverðs

Delta Air Lines glímir við hækkandi verð á flugeldsneyti. Fréttablaðið/Getty

Bandaríska flugfélagið Delta Air Lines lækkaði í dag afkomuspá sína fyrir árið um sextán prósent. Stjórnendur félagsins segjast búast við því að kostnaður við kaup á flugvélaeldsneyti muni hækka um tvo milljarða dala á árinu.

Flugfélagið, sem er það næst stærsta í Bandaríkjunum, gerir nú ráð fyrir að afkoma þess verði á bilinu 5,35 til 5,70 dalir á hlut í ár. Fyrri afkomuspá frá því í janúar síðastliðnum gerði ráð fyrir hagnaði á bilinu 6,35 til 6,70 dali á hlut.

Olíuverð hefur hækkað um meira en 56 prósent á undanförnum tólf mánuðum en olíukostnaður er alla jafna næst stærsti kostnaðarliður flugfélaga á eftir launum. Í frétt Financial Times er bent á að þrátt fyrir fjölgun farþega og myndarlegan tekjuvöxt muni eldsneytishækkanir draga verulega úr hagnaði Delta á árinu.

Tekjur bandaríska flugfélagsins námu 11,8 milljörðum dala á öðrum ársfjórðungi og jukust um 10 prósent á milli ára en engu að síður dróst hagnaður félagsins saman um ríflega níu prósent. Munaði mestu um aukinn olíukostnað en hann jókst um 38 prósent á fjórðungnum og nam alls 653 milljónum dala.

Ed Bastian, forstjóri Delta, benti þó á að aðgerðir félagsins til þess að vega á móti hækkandi olíukostnaði - til dæmis að draga úr óarðbæru flugi - væru farnar að skila árangri.

Annar bandarískur flugrisi, American Airlines, lækkaði afkomuspá sína fyrir annan ársfjórðung í gær með þeim afleiðingum að hlutabréf í öllum helstu skráðu flugfélögunum í Bandaríkjunum lækkuðu í verði.

Athugasemdir

Auglýsing
Auglýsing

Tengdar fréttir

Erlent

Deutsche Bank greiðir hæstu vextina

Erlent

Euronext hækkar til­boð sitt í kaup­höllina í Osló

Erlent

Debenhams fær kærkomna innspýtingu

Auglýsing

Nýjast

Heilbrigði verður að vera smá nautn

Hagnaður TM dróst saman um 78 prósent

Afkoma af fjárfestingum Sjóvár undir væntingum

Sakfelldir í Icelandair-innherjamáli

Heimilin halda að sér höndum

Skotsilfur: Ofsinn

Auglýsing