Nýsköpunarfyrirtækið Empower, hefur ráðið þær Öddu Guðrúnu Gylfadóttur og Hönnu Alexöndru Helgadóttur sem sérfræðinga í stafrænni örfræðslu og efnissköpun.

Adda Guðrún Gylfadóttir starfaði áður sem rannsakandi hjá Vörðu - rannsóknarstofnun vinnumarkaðarins. Hún er með MSc gráðu í félagsfræði frá Oxford-háskóla og BA gráðu í félagsfræði frá Háskóla Íslands.

Hanna Alexandra Helgadóttir starfaði áður sem framleiðandi við ýmis skapandi verkefni fyrir sjónvarp, tónleika og viðburði, meðal annars fyrir Sjónvarp Símans. Hún lauk nýverið námi í stafrænni hönnun og listrænni stjórnun frá Hyper Island í Stokkhólmi.

Empower vinnur að þróun hugbúnaðarlausnarinnar Empower Now, sem styður fyrirtæki og stofnanir á sviði jafnréttis og fjölbreytni með mælaborði, markmiðasetningu og örfræðslu.

Þórey Vilhjálmsdóttir Proppé, framkvæmdastjóri og meðeigandi Empower, segir að þekking, reynsla og ástríða Öddu Guðrúnar og Hönnu Alexöndru mun koma til með að styðja við vegferð fyrirtækisins og er hún mjög ánægð að fá þær í teymið. Hún bætir við að það séu spennandi tímar fram undan hjá Empower.

“Fyrirhugað er að setja hugbúnaðarlausn okkar, Empower Now, á alþjóðamarkað haustið 2023. Við erum að byggja upp sterkt samstillt teymi sérfræðinga og ætlum okkur að vera leiðandi alþjóðlega í stafrænum lausnum á sviði jafnréttis og fjölbreytni á vinnustöðum,“ segir Þórey.