Stofnandi Facebook, Mark Zuckerberg, er nú sagðusr dveljast í Fljótunum í Skagafirði. Samkvæmt heimildum Fréttablaðsins var Zuckerberg einn farþega í einkaþotu sem lent var á Akureyrarflugvelli fyrir hádegi í dag. Fyrst var greint frá veru Zuckerbergs hérlendis á mbl.is fyrr í dag.

Hemildir Fréttablaðsins nyrðra herma að Facebook-eigandinn hafi rakleiðis eftir lendingu stigið um borð í þyrlu sem flutti hann að lúxushótelinu Deplum í Fljótunum. Þar er rekin ýmis ferðaþjónusta. Mun gert ráð fyrir að Zuckerberg dveljist hér ásamt fylgdarliði í nokkra daga.

Þota sem Zuckerberg kom með hingað til lands er af gerðinni Gulfstream og er 22 sæta. Vélin er skráð í eigu A7P Trust Inc.

Þotan sem flutti Zuckeberg á Akureyrarflugvelli fyrr í dag.
Mynd/Axel Þórhallsson