Banda­ríski skemmti­krafturinn og leikarinn Nick Cann­on hafa greint frá því að yngsti sonur hans og fyrir­sætunnar Alyssa Scott er látinn. Hann greindi frá þessu í þætti sínum „The Nick Cann­on Show“ í dag.

Hinn fimm mánaða gamli Zen greindist með heila­æxli skömmu eftir að hann varð tveggja mánaða. For­eldrar hans komu auga á að ekki væri allt með felldu hjá Zen. Höfuð hans var orðið stórt og töldu þau fyrst að eitt­hvað væri að ennis­holum hans. Er þau fóru með hann til læknis kom fljót­lega í ljós að hann væri með æxli í heila og þyrfti að fara í skurð­að­gerð hið snarasta.

Mynd sem Cannon birti af Zen skömmu eftir fæðingu drengsins.
Mynd/Instagram

Á þakka­gjörðar­daginn 25. nóvember tók á­stand Zen að versna. Cann­on og Scott fóru með drenginn að sjávar­síðunni skammt frá heimili þeirra í Kali­forníu á sunnu­daginn og eyddu þar síðustu stundum sínum saman. Zen lést skömmu síðar.

Zen var sjöunda barn Cann­on sem eignaðist fjögur börn á síðasta einu og hálfa ári.