Bandaríski leikarinn Will Ferrell er nánast óþekkjanlegur í útliti eftir að hafa safnað miklu hári og síðu skeggi. Leikarinn sást úti að skokka í hverfi sínu í Los Angeles en eflaust gerðu sér ekki allir grein fyrir því hver væri þarna á ferðinni.
Þá bætti ekki úr skák að Ferrell var með sólgleraugu og trefil á skokki sínu sem gerðu hann enn ólíkari sjálfum sér.
Íslendingar fengu þó smjörþefinn af nýja útliti leikarans þegar hann kynnti úrslit söngvakeppninnar á Íslandi síðasta vor. Þar var hann byrjaður að safna hári og börtum og það gæti vel verið að hann hafi ekkert farið í klippingu síðan hann sendi Íslendingum kveðju.
Ferrell þótti ansi ólíkur sér með sítt skegg, hár og sólgleraugu.
