Stórleikarinn Will Ferrell um þessar mundir staddur í Lissabon í Portúgal þar sem Eurovision-keppnin mun fara fram á næstu dögum. Þar blandaði hann geði við íslenska hópinn og spjallaði meðal annars við Ara Ólafssyni söngvara, sem mun syngja framlag Íslands í keppninni.

Davíð Lúther Sigurðarson, fjölmiðlafulltrúi hópsins, sagði kappann hafa verið kumpánlegan við aðdáendur og leyft þeim sem vildu að fá myndir af sér með honum. Davíð kveðst þó ekki vita hvers vegna leikarinn heimsfrægi er staddur í Lissabon, en nokkrar sögur séu á kreiki um veru hans á svæðinu.

„Hann er bæði búinn að hitta okkur og sænsku gestina. Það eru nokkrar sögur á keiki, þar á meðal að konan hans sé sænsk og sé að vinna fyrir keppnina eða að hann sé að vinna fyrir Netflix að geta þætti í tengslum við Eurovision,“ segir Davíð í samtali við Fréttablaðið.

Þriðja sagan er að sögn Davíðs jafnframt sú sem íslenski hópurinn telur líklegasta, en það er að leikarinn muni koma fram á lokakvöldinu, líkt og söngvarinn Justin Timberlake gerði fyrir nokkrum árum.

Leikarinn var að sögn Davíðs mjög vinalegur. „Hann gaf algjörlega færi á sér og spjallaði lengi við Ara,“ segir Davíð. „Ari sagði honum nokkra brandara og hann hló að þeim.“

Gunnar Leó Pálsson, trommari hópsins, fékk einnig mynd af sér með kauða. Þeir félagar tóku sig bara nokkuð vel út saman og Ferrell virðist bara í heildina litið vera nokkuð sáttur með íslenska hópinn. ´

Íslenski hópurin kemur fram á  fyrra undanúrslitakvöldinu í Eurovision á þriðjudagskvöldið.