Lífið

„Waka Waka“ og öll hin HM lögin

Flautað verður til leiks í heimsins mestu knattspyrnuveislu á fimmtudaginn. Heimsmeistaramótið í knattspyrnu 2018 er að hefjast. Og við getum ekki beðið.

Latíngoðið Ricky Martin átti HM lagið 1998 en þá fór keppnin fram í Frakklandi, latín takturinn hefur verið allsráðandi í HM lögunum síðan. Fréttablaðið/Getty

Heimsmeistarakeppnin hefst í Rússlandi næstkomandi fimmtudag en í hugum Íslendinga verður ekki blásið til leiks fyrr en laugardaginn 16. mai þegar Íslendingar mæta Argentínu í Moskvu. 

Spennan fyrir keppninni hefur aldrei verið meiri hér á landi enda eru Íslendingar að keppa í fyrsta skipti á þessu stórmóti. Á meðan við bíðum eftir laugardeginum er tilvalið að rifja upp skemmtilegustu HM lögin og stíga við þau trylltan dans til að losa mestu spennuna. Áfram Ísland. 

Heimsmeistarakeppnin 1998 var haldin í Frakklandi og það var konungur latíntónlistarinnar, Ricky Martin sem átti lag keppninnar það árið, The Cup Of Life, sem er enn vinsælt dansslag. Ricky sló latíntóninn með lagi sínu og hafa þau lög sem eftir komu elt þann stíl, fjörug og dansvæn. 

Lag Shakiru, Waka Waka sem var opinbera HM lagið 2010 fór sigurför um heiminn og er enn verulega vinsælt.. Fréttablaðið/Getty

Árið 2010 fór keppnin fram í Suður - Afríku og muna margir eftir wuwuzela lúðrunum sem áhorfendur blésu ákaft í á meðan keppninni stóð. Þeir eru ekki lengur leyfðir á knattspyrnuvöllum mörgum til mikils léttis. Lag Shakiru Waka Waka var opinbert lag keppninnar það ár og varð feykivinsælt um heim allan og dansinn við lagið var dansaður jafnt á elliheimilum og leikskólum í öllum heimsálfum. 

Fjörugir tónar Ptibull í laginu We are one var opinbert lag HM 2014 sem var haldin í Brasilíu. Hraður taktur lagsins og kraftmikill flutningur tryggðu laginu varanlegar vinsælidr. Fréttablaðið/Getty

Danslagakóngurinn Pitbull er sérfræðingur í að setja saman taktföst límheilalög likt og HM lagið We Are One sem var opinbert lag keppninnar árið 2014.  Það ár fór keppnin fram í Brasilíu og ber lagið sterkan keim af því, fjörugur sambatakturinn í bland við teknótakt og latín tónlist gefur laginu alþjóðlegan blæ, enda sló það í gegn. 

Söngdívurnar Jennifer Lopez og Claudia Leitte stigu trylltan dans á meðan þær sungu lagið ásamt Pitbull líkt og sjá má í meðfylgjandi myndbandi. 

Lagið Live It Up er lag keppninnar í ár, það er í flutningi leikarans og tónlistarmannsins Will Smith og Nicky Jam reggatone meistara og söngkonunnar Eva Istrefi. Fréttablaðið/Instagram

Lag ársins er, Live It Up, er fjörugur danssmellur sem án efa á eftir að lifa lengi á skemmtistöðum og í Zumbatímum löngu eftir að keppni lýkur. 

Í laginu bregður gamla brýnið, Will Smith, sér aftur í gervi rapparns The Fresh Prince en honum til halds og trausts er reggatone meistarinn Nicky Jam og söngkonan Eva Istrefi. Lagið hefur fengið mikla spilun á útvarpsstöðvum víða um heim og mun eflaust verða með vinsælli HM lögum. 

Athugasemdir

Auglýsing
Auglýsing

Tengdar fréttir

Fólk

Möguleikarnir nær óþrjótandi

Lífið

Ástin blómstrar eftir Bachelorinn: „Ég vildi fara heim með henni“

Lífið

Eiga von á eineggja tví­burum

Auglýsing

Nýjast

Lokkandi leirtau úr Landmannalaugum

Afskaplega gott að syngja eftir Jón Ásgeirsson, það virkar allt

Kóngur ofurhuganna

Landsliðs­strákar skemmtu sér á Miami eftir lands­leik

Fantasían Storm­sker hlaut barna­bókar­verð­launin

Fann kraftinn minn aftur

Auglýsing