Harry Breta­prins segist vona að börnin sín, þau Archie og Lili­bet, muni aldrei þurfa að upp­lifa net­heima eins og þeir eru í dag. Frá þessu er greint á vef Sky sjón­varps­stöðvarinnar.

Hann segir að leiðin sem fólk noti til sam­skipta á sam­fé­lags­miðlum sé ekki að virka og það þurfi að lag­færa þetta. Hann segist hafa miklar á­hyggjur af ungum börnum sem alist upp á netinu eins og það er í dag.

„Börnin mín eru of ung til þess að hafa upp­lifað þetta enn­þá. Og ég vona að þau muni aldrei þurfa að upp­lifa þetta eins og þetta er í dag. Ekkert barn á að þurfa þess,“ segir Harry. Hann gagn­rýnir jafn­framt við­skipta­módel sam­fé­lags­miðla, sem hann segir græða á tá og fingri á upp­lýsingum og at­hyglis­gáfu fólks.

„Ég býst við því að fjöl­skyldur ykkar, rétt eins og mín, áttar sig á því að upp­lifun okkar af tækninni, þetta er ekki að virka og það þarf að laga þetta,“ segir prinsinn.

„Netið er að breytast og það er á okkar á­byrgð að sú breyting verði til bóta fyrir börnin okkar og fram­tíð þeirra.“