Framleiðsluferli Platinum-hundafóðursins er einstakt.

„Kjötið eru hakkað og hitað varlega í eigin soði upp að 95°C. Þá er það látið kólna í soðinu og vítamínum, olíu og fitu bætt við eftir á við stofuhita. Með því móti er hægt að ábyrgjast hámarksnýtingu næringarefna og að hundurinn fái fóður sem er líkast því sem hann fengi úti í villtri náttúrunni,“ útskýrir Sigrún Valdimarsdóttir, eigandi Platinum Pro ehf. sem flytur inn þýskt hágæða hundafóður frá Platinum.

Platinum-hundafóðrið er fyrir alla hunda. Það er sérstaklega framleitt til að fullnægja næringarþörf hunda og dýralæknar um veröld víða mæla heilshugar með því.

„Fóðrið er þurrkað og varfærnislega umlukið stofuhita svo hið frábæra bragð og prótíninnihald varðveitist vel. Í fóðrinu eru engin aukefni, allt hráefni er náttúrulegt og er K1-vítamíni bætt við,“ upplýsir Sigrún.

Platinum-hundafóðrið er eingöngu matreitt úr kjöti sem er ætlað til manneldis.

„Hundafóður er yfirleitt búið til úr hátt í 70 prósent korni og litlu magni af kjötmjöli. Framleiðsluferli venjulegs þurrfóðurs krefst hás þrýstings og hita upp að 140°C, en það veldur skaða á prótínum og kolvetnum, náttúruleg gæði minnka og meltingin verður erfiðari,“ útskýrir Sigrún og vegna framleiðsluferlis á venjulegu hundaþurrfóðri verða bitarnir þaktir sterkju.

„Bitarnir dvelja þá lengi í maganum eða þar til sterkjan brotnar loks niður. Það hefur áhrif á meltingarferlið og eykur líkur á uppblásnum maga. Þess vegna hentar Platinum vel fyrir hunda sem eru með ofnæmi þar sem í fóðrið er hvorki notað erfðabreytt korn né erfðabreytt hrísgrjón.“

Djúsí bitar úr alvöru kjöti

Hundafóðrið frá Platinum hefur slegið í gegn hjá íslenskum hundaeigendum sem og hundunum sjálfum.

„Hundarnir elska Platinum enda er hver máltíð veisla með djúsí bitum úr fjölbreyttum réttum sem matreiddir eru úr náttúrulegu, hágæða hráefni. Hundar eru kjötætur og vitaskuld er langbest að fóðra þá á hráu kjöti en Platinum er án efa næstbesti kosturinn á eftir hráfóðri,“ segir Sigrún.

Platinum hentar líka sérstaklega vel matvöndum hundum, þeim sem eru með viðkvæman maga og/eða þjást af húð- og feldvandamálum.

„Með Platinum verður meltingin hraðari, fóðrið fer hratt í gegnum magann og niður í þarmana þar sem upptaka næringarefnanna á sér stað. Það er líka óneitanlega góður kostur hvað hundakúkurinn verður fastur og vel mótaður af Platinum-hundafóðrinu og auðvelt að hirða upp eftir þá,“ segir Sigrún.

Fjölbreyttur matseðill

Platinum-hundafóðrið er einstakt þegar kemur að ferskleika og náttúrulegu hráefni.

„Í þurrfóðrinu bjóðum við upp á kjúkling, lamb og hrísgrjón, Iberico-grísakjöt og í apríl bætist við dýrindis nautakjöt. Iberico-fóðrið er glútenfrítt fyrir hunda sem eru með glútenóþol. Platinum er líka með hvolpafóður framleitt úr kjúklingi, sem og næringarríkt hundanammi í stöngum og litlum bitum sem enginn hundur fær staðist,“ segir Sigrún.

Í Platinum-blautfóðri er kjöthlutfallið enn hærra, eða 83 prósent.

„Þegar maður opnar fernu af blautmat ilmar maturinn eins og paté. Við erum með sjö bragðtegundir af úrvals og gómsætum kjöt- og fiskréttum og er hægt að fá blautmatinn ýmist í 375 g fernum eða 4x100 g dollum,“ segir Sigrún.

Platinum-hundafóðrinu er pakkað í 1,5 eða 5 kílóa ál- eða plastpakkningar sem varðveita ilm og bragð vel, ásamt því að halda fóðrinu fersku.

„Fóðrinu er pakkað strax eftir framleiðslu en ekki safnað saman í síló. Það kemur í veg fyrir að maurar eða önnur skordýr komist í fóðrið,“ upplýsir Sigrún.

Burt með tannsteininn

Tannheilsa hunda er í öndvegi hjá Platinum Pro sem býður upp á náttúrulegt tannhreinsiefni til að fjarlægja tannstein.

„Tannsteinn er vandamál hjá hundum, ekki síst smáhundum þar sem mataragnir festast á milli tannanna og geta valdið tannsteini og fleiri kvillum út frá lélegri tannhirðu,“ útskýrir Sigrún sem býður upp á tannsprey og tanngel fyrir hunda.

„Sumir hundar eru hræddir við spreyið og þá hægt að nudda geli á tennur þeirra og gefa þeim hvorki að éta né drekka í hálftíma áður og á eftir. Hægt er að fyrirbyggja tannstein með reglulegri tannhreinsun en til að vinna á tannsteini er tannhreinsiefni notað kvölds og morgna í nokkrar vikur, eða þar til tannsteinninn er horfinn.“

Platinum fóðrið fæst á ­platinum.is, í Dekurdýrum á Dalvegi 18 í Kópavogi og hjá Dýralæknastofu Suðurnesja á Fitjabakka 1b í Reykjanesbæ. Frí heimsending og sama verð um land allt. 

100 prósent endurgreiðsla innan 100 daga ef hundinum líkar ekki við fóðrið eða það stenst ekki væntingar kaupandans. 

Hægt er að fá fríar prufur. Sími 8626969. Netfang: platinum@platinum.is