Leikkonan Caylee Cowan brá heldur betur í brún á þriðjudaginn þegar hún vaknaði við innbrotsþjóf sem starði á hana sofa.
Að sögn TMZ vaknaði Cowan klukkan þrjú um nóttina þegar hún sá mann standa við rúmið sitt. Hún öskraði á hann og hringdi í lögregluna, en við það flúði innbrotsþjófurinn vettvang.
Lögreglan kom fljótt á svæðið og náði að góma innbrotsþjófinn sem var á hlaupum í hverfinu. Í fórum hans fannst þýfi sem hann hafði stolið af heimili Cowan.
Cowan er kærasta óskarsverðlaunahafans Casey Affleck, en hann var ekki heima þegar innbrotið átti sér stað.
