Fimm ára dóttir banda­rísku leik­konunnar Kristen Bell notar enn bleyju. Bell segir það vera vegna þess að börn séu mis­munandi, með mis­munandi væntingar og þrár. Þetta kemur fram í sér­stöku mömmubloggi Bell þar sem hún ræðir á­skoranir í móður­hlut­verkinu.

„Þegar elsta dóttir mín var 21 mánaða gömul, þurftum við bara að leggja til að hún myndi nota klósettið í öðru her­bergi og hún gekk aldrei með bleyju eftir það,“ segir leik­konan.

„Við lágum upp í rúmi og hlóum út af þessu, eigin­maðurinn og ég vorum bara: „Af hverju gera allir svona mikið mál úr þessu? Þetta var svo ein­falt, segðu bara krakkanum að fara á klósettið.“

Hún segir að þeim hafi hefnst fyrir þennnan þanka­gang. „Núna er mín yngsta fimm ára og enn í bleyju,“ segir Bell. Vin­kona hennar, Maya Ru­dolph og Cas­ey Wil­son bentu á að þetta væri allt saman ó­líkt milli barna.

„Þetta er mjög af­stætt, er það ekki?“ svarar Maya henni. „Jú, því öll börn eru svo ólík,“ segir Kristen.