Dýrasta lausa hótelgistingin sem nú er í boði í Reykjavík um næstu helgi er á nýja Edition hótelinu við Reykjavíkurhöfn. Fyrir gistingu í 54 fermetra svítu með svefnherbergi og sjávarsýn þarf að greiða 800 þúsund krónur. Það er fyrir tvær nætur.

Um svítuna á Edition segir á bókunarvefnum booking.com að þar sé kingsize rúm, flatskjár, kaffivél og míníbar. Einnig sófi á sérstöku setusvæði. Gólfin séu bæði flísalögð og með harðviðarparketi.

Ýmsir aðrir kostir eru á booking.com varðangi gistingu umræddar tvær helganætur. Sá ódýrasti er á Brim hóteli í Skipholti þar sem greiða þarf 63.803 krónur fyrir næturnar tvær. Því er sagt fylgja baðkar eða sturta og klósettpappír. Stærð herbergisins kemur ekki fram en af myndum að dæma er það býsna lítið.

Hér má sjá mynd af ódýrustu gistingunni, en líkt og sjá má virðist hún ekki vera ýkja stór.
Fréttablaðið/Skjáskot