Gleðin, undrið og blæbrigði óttans við að prófa nýja hluti og leikurinn er í forgrunn. Þessi fallega vetrarlína ber heitið Winter Wonders. Hönnun og lögun línunnar er sígild og í fullkominni stærð og lögun fyrir ýmisskonar drykki og matvöru. Teikningarnar eru eftir Tove Slotte og eru byggðar á upprunalegum teikningum Tove Jansson.

Von er á að Múmín vetrarlínan komi í verslanir 7. október næstkomandi og þá geta allir Múmín aðdáendur tekið gleði sína á ný og bætt við safnið.

Moomin_by_Arabia_2022_Winter_wonders_4.jpg

Sagan segir frá því þegar undarleg persóna heimsækir í Múmíndal. Þetta er herra Brisk, en hann elskar vetraríþróttir meira en allt. Hann hvetur íbúa Múmíndals til að prufa mismunandi íþróttir og reynir að kenna þeim á skíði og skauta. Sjálfur stundar hann framúrstefnulegt sund.

Herra Brisk sker stórt gat í ísinn og Mímlan fylgist skelfingu lostin með. Hún endar með að falla fyrir herra Brisk en henni finnst hann mjög karlmannlegur og valdamikill á að líta. Til að heilla herra Brisk ákveður Mímlan að æfa sig á skautum í laumi á nóttunni. Þar sem herra Brisk er mjög sjálfhverfur þá tekur hann ekki eftir Mímlunni eða viðleitni hennar.

Múmínálfarnir reyna að skauta en það gengur ekkert svakalega vel hjá þeim. Ekkert þeirra kann að skauta og fljótlega skipta þau yfir í aðrar íþróttir. Múmínálfarnir gleðjast þegar snjórinn bráðnar og herra Brisk er farinn.

Moomin_by_Arabia_2022_Winter_wonders_8.jpg

Nú geta Múmin aðdáendur sem eru að safna vetrarbollunum bætt við safnið sitt fljótlega og haldið áfram að láta sig dreyma um Múminálfalandið með heitan drykk í hönd sem yljar./Ljósmyndir aðsendar.

Moomin_by_Arabia_2022_Winter_wonders_5.jpg

Moomin_by_Arabia_2022_Winter_wonders_1.jpg