Þurfa að stytta lagið en kíkja svo á ítölsku kaffi­húsin

Systurnar Sigga, Beta og Elín og hljómsveit þeirra verja deginum í dag á æfingum til að reyna að stytta endann á laginu.

„Við fórum aðeins yfir mínúturnar þrjár á æfingunni í gær,“ útskýrir Felix Bergsson í samtali við Fréttablaðið.

Hópurinn kíkir svo í skoðunarferð í boði Torino eftir æfingarnar. „Þetta verður gönguferð um borgina sem er fræg fyrir kaffihúsin sín.“

Næsta æfing í höllinni verður ekki fyrr en á fimmtudaginn en hópurinn mun sennilega koma saman á miðvikudag líka til að æfa sig með rétta hárstílinn, förðun og búninga.

Ætlið þið að kíkja út á lífið í kvöld eða verður bara róleg dagskrá?

„Þetta verður svona rólegheitadagur,“ byrjar Felix. „En einhverjir eru búnir að bóka veitingstaði. Gísli Marteinn er sjálfur meistari í veitinhúsunum,“ segir hann og hlær.

Hér fyrir neðan má sjá klippu úr fyrstu æfingu Systra og hljómsveitar þeirra.