Hörundsárir Star Wars aðdáendur, hrottalegir hlutir í kjallaranum og mátturinn með Obi Wan Kenobi er meðal þess sem rætt er um í nýjasta þætti af Bíóvarpinu, sérstakri hlaðvarpsseríu Fréttablaðsins um nýjustu sjónvarpsþættina um Obi Wan Kenobi.
Að þessu sinni ræða blaðamennirnir og Stjörnustríðsnördarnir Þórarinn Þórarinsson og Oddur Ævar Gunnarsson fjórða þáttinn í sjónvarpsseríunni á Disney+.
Fjórði þátturinn er ögn rólegri en sá þriðji en þó fullur af spennu. Gerist allur á sömu plánetunni og það eru hrottalegir hlutir í kjallaranum. Eru Star Wars aðdáendur of hörundsárir? Þeirri spurningu er svarað í þættinum.
Sem fyrr er rétt er að vara þau, sem ekki eru búin að horfa á þriðja hluta seríunnar eða eru viðkvæm fyrir spilliefni, við því að hlusta á þáttinn fyrr en að loknu áhorfi því umsjónarmenn hlaðvarpsins halda hvergi aftur af sér og ræða söguþráðinn, framvindu þáttanna og allt sem vekur athygli þeirra af einurð og festu.
