Þór Guðna­son, einka­þjálfari og jóga­kennari til 20 ára, er nýjasti gesturinn í hlað­varps­þætti Sölva Tryggva­sonar. Í við­talinu er komið víða við en Þór vinnur nú með hug­víkkandi efni. Hann var sjálfur kominn á mjög erfiðan stað fyrir nokkrum árum þrátt fyrir ára­tugi af vinnu við að hjálpa öðrum við að bæta heilsuna.

„Ég er með þann eigin­leika að geta gengið al­gjör­lega fram af mér ef ég er með ást­ríðu fyrir ein­hverju. Ég vann mig næstum því til dauða þegar ég var að byggja Primal Iceland. Ég verð alltaf stoltur af því að hafa tekið þátt í að stofna Primal og finnst frá­bært að sjá það sem Einar Carl og aðrir eru að gera þar núna. En ég var sjálfur orðinn gríðar­lega þung­lyndur þegar ég var að vinna þar eftir að hafa gengið svona langt fram af mér. Það héldu allir að ég væri í frá­bærum málum, en ég var svo þung­lyndur að nánast alla daga hugsaði ég um að ég vildi ekki lifa og jafn­vel bara að klára þetta. Þetta var lík­lega sam­bland af á­föllum í æsku og því að ég hafði keyrt mig tvisvar sinnum mjög illa í „bur­nout”,” segir Þór meðal annars í við­talinu.


Þjáðst sjálfur alla ævi

Hann segist hafa þurft að kafa djúpt og ferðast inn í frum­skóga Amazon til að finna loksins frelsi og hamingju á ný.

„Ég hef verið að reyna að hjálpa fólki síðan ég var 22 ára gamall. En ég hef í raun þjáðst sjálfur alla ævi og sé núna að ég skammaðist mín fyrir mína eigin sögu og mína eigin líðan. Ég hef fengið tæki­færi til að heila sjálfan mig eftir að ég upp­götvaði plöntu­kennara í Suður-Ameríku. Ég var með mikið af sárum á sálinni, gömul á­föll og fleira, sem ég hef loksins náð að sjá al­menni­lega og fengið tæki­færi til að laga sjálfan mig. Inni í þessum ferða­lögum með hug­víkkandi efni fékk ég að endur­upp­lifa marga þessa hluti og gat melt þá sem full­orðinn ein­stak­lingur. Ég fékk til dæmis að upp­lifa það aftur þegar ég drukknaði næstum því 12 ára gamall og gat loksins losað öll þau á­hrif sem það hafði á mig. Ég hef líka fengið að melta alla skömmina sem ég gekk með árum saman og er loksins búinn að upp­lifa al­vöru frelsi.“

Upplifði kraftaverk

Hann talar í þættinum opin­skátt um vinnu sína með plöntur og hug­víkkandi efni. Þegar þátturinn var tekinn upp var hann ný­kominn frá Mexíkó:

„Ég hef verið að starfa með plöntur bæði hér heima og er­lendis og var núna ný­lega beðinn um að fara með ein­stak­ling í með­ferð til Mexíkó sem var mjög langt leiddur í fíkn. Við fórum saman og unnum með plöntu­kennara sem heitir I­bogain og kemur frá Afríku. Opíum- og heróín­fíklar virðast oft ná að stíga út úr með­ferð með þessa plöntu og ná að losna við sína fíkn. Nú er Fentanyl-far­aldur um heiminn og opíóðar eru að rústa manns­lífum um allan heim. Þetta er ein erfiðasta fíkn sem til er og mjög margir lifa hana ekki af. Það var mjög vel hlúð að okkur í með­ferða­stöðinni í Tiju­ana í Mexíkó og ég upp­lifði ekkert minna en krafta­verk. Þessi ein­stak­lingur er núna nokkrum vikum seinna enn laus við morfín og það er ekkert annað en krafta­verk,” segir Þór sem undir­strikar samt að það þurfi að taka þessi efni al­var­lega og með­höndla þau af virðingu.

„Það segir sig sjálft að það þarf að með­höndla þessar plöntur af mikilli virðingu og það þarf að gera þetta í al­gjör­lega réttum að­stæðum undir réttri hand­leiðslu. Þetta eru gríðar­lega öflug hjálpar­tæki sem fólk um allan heim hefur notað í ár­þúsundir til að tengjast náttúrunni og sjálfu sér, en við verðum að nálgast þetta af virðingu. Ég mæli ekki með þessu fyrir neinn, nema fólk sé búið að kynna sér málið mjög vel og viti ná­kvæm­lega hvað það er að gera. En fyrir mér er það sið­ferðis­lega rétt að hjálpa fólki að tengjast náttúrunni aftur og þess vegna tala ég um þetta opin­skátt, þó að mörg af þessum efnum séu enn­þá ó­lög­leg,” segir Þór sem segir það eina sem hann hafi þurft að hugsa varðandi það að tala um þetta opin­ber­lega vera fjöl­skyldan sín.

„Ég á þrjár dætur og ég hafði mestar á­hyggjur af þeirra við­brögðum og vina þeirra og þurfti að tala við þær per­sónu­lega áður og bað þær um að hlusta á þetta. En þegar ég talaði við 15 ára dóttur mína fann ég að ég gat talað inn í hjartað á henni. Hún man eftir mér þegar ég var að bugast úr þung­lyndi og hún sér alveg að ég er allt annar maður í dag og hef allt aðra við­veru og er bæði betri faðir og betri manneskja al­mennt. Ef ein­hver vill loka mig inni fyrir að tala um þetta opin­ber­lega verður það bara að vera þannig. Ég ætla að taka fulla á­byrgð á því sem ég geri og vil ekki fela það. Ég vil bera á­byrgð á öllu sem hefur átt sér stað í mínu lífi og ef eitt­hvað hefði verið öðru­vísi sæti ég ekki í þessum stól. Ég er kominn á þann stað núna að ég verð að vera heill í öllu sem ég geri.”

Þáttinn með Þór og alla aðra þætti Sölva Tryggva­sonar má nálgast inni á heima­síðunni: www.sol­vi­tryggva.is