Þór­ólfur Guðna­son ræddi við Sig­mund Erni Rúnars­son í Frétta­vaktinni á Hring­braut í kvöld um stöðuna í sam­fé­laginu en áður en hann steig inn í stúdíóið fékk hann að slaka á í stólnum hjá Maríönnu Páls­dóttur, förðunarfræðingnum fræga sem bræddi hjarta Brynjars Níels­sonar.

Spurði hún sótt­varna­lækni hvernig hann hefði það og hvernig hann hefði nú komist í gegnum þetta allt saman, að sinna sínu starfi í heims­far­aldri í kast­ljósi fjöl­miðla með stöðugan straum af gagn­rýnis­röddum.

Svar sótt­varna­læknis var ein­falt: Þegar öllu er á botninn hvolft snýst þetta um rétta koddann.

„Ætli það sé ekki af því ég sef með svo góðan kodda. Svefninn skiptir höfuð­máli,“ svaraði Þór­ólfur.

Blaða­maður fékk svo að spyrja sótt­varna­lækni spjörunum úr um þennan drauma­kodda að loknu við­tali á Frétta­vaktinni.

„Ég var búin að skoða alls konar kodda; harða, mjúka, „memory foam“ og aðra heilsu­kodda. En í lokin var það ein­faldur stífur koddi úr Rúm­fata­lagernum sem bjargaði mér,“ sagði hann.

Þar hafiði það: Stífur koddi úr Rúm­fata­lagernum kemur Þór­ólfi í gegnum heims­far­aldur.