Vanessa Feltz, þáttastjórnandi hjá breska ríkisútvarpinu, greinir frá því í breskum fjölmiðlum að hún hafi „gengið í gegnum helvíti” þegar hún fékk sér magaband (e. gastric band).

Í maga­bandsaðgerðum er maga­band sett utan um efsta hluta mag­ans og þrengt að. Hægt er að stilla það eft­ir þörf­um en það er fyllt með vökva sem minnkar magamálið.Slíkar aðgerðir eru einnig framkvæmdar á Íslandi.

Feltz fór í aðgerðina árið 2010 og varð strax mjög veik. Hún gat engu haldið niðri án þess að kasta upp.

Hún fór í magahjáveitu (e. gastric bypass) fyrr á þessu ári og hefur misst 25 kíló. Hún er sáttari í eigin skinni og segir allt saman hafa verið þess virði.

,,Ég gat aldrei borðað meðal fólks. Ég vissi aldrei hvenær ég myndi þurfa að kasta upp. Ég varð lífshættulega veik í fyrra. Suma daga gat ég ekki einu sinni komið vatnsglasi niður. Ég náði aldrei að setja rétt magn af vökva í magabandið.”

Læknar Feltz sögðu henni að bandið hefði færst til og að magahjáveita myndi leiðrétta staðsetningu bandsins.

Hún sló til, fór í aðgerðina og hefur síðan misst 25 kíló. ,,Þetta var helvíti, en þess virði. Ég vildi samt að ég hefði ekki eytt svona mörgum árum í basli með þetta band. Það hafði áhrif á skap mitt og félagslíf - og gerði mig rosalega veika.”

Vanessa Feltz er komin úr stærð 18 í stærð 12.