Wellington steikin, er innbökuð nautalund með ljúffengri fyllingu sem bráðnar í munni. Mörgum vefst tunga um tönn þegar kemur að því að útbúa Wellington steikina, elda nautalundina, gera fyllingu og setja hana í smjördeigið og tryggja að eldunin sé fullkomin.

Búið er að létta þeim lífið sem treysta sér ekki í allan pakkann með Wellington nautalundinni frá Íslandsnauti fyrir þá sem hafa kannski ekki tíma og tök á og útbúa hina fullkomnu Wellington steik. Þú þarft einungis að sjá um eldunina sem gerir eldamennskuna eins einfalda og hægt er.

Vægast sagt girnileg steikin

Hægt er að fá innbakaða íslenska nautalund, Wellington frá Íslandsnaut, frosna í verslunum Bónus þar sem fremstu kokkar landsins, Ólafur Helgi og Sigurður Laufdal hafa séð um matreiðsluna og sett steikina í hátíðarbúning. Allar allar leiðbeiningar um meðferð og eldun fylgja með á pakkningunni. Sjöfn Þórðar þáttastjórnandi þáttarins Matur og Heimili heimsótti Sigurð Laufdal landsliðskokk í eldhúsið og fékk hann til að sýna okkur töfra trixin hvernig á að elda hina fullkomnu Wellington steik.

„Það er ofureinfalt að elda hina fullkomnu Wellington steik og ég ætla að sýna áhorfendum hvernig ég elda þessa tilbúnu frosnu innbökuðu íslensku nautalund án nokkurra fyrirhafnar,“ segir Sigurður og nefnir jafnframt að listin sé að fylgjast vel með kjarnhitanum.