Tónlistarkonan Svala Björgvins birti mynd af sér og Grétu Karenu Örvarsdóttur tónlistarkonu í dag, klæddar kynþokkafullum undirfötum frá kynlífstækjaversluninni Adam og Eva.

Undir myndina skrifar Svala brot úr lagi bandarísku tónlitarkonunnar Beyoncé Knowles „I don‘t think you‘er ready for this jelly, cause my body is too bootylicious for ya babe.“

Svala hefur verið mikið í umræðunni síðastliðna daga eftir að hún og Alexander Alexandersson opinberuðu samband sitt. Fólk virðist hafa mikla skoðun á sambandi þeirra vegna mikils aldursmunar, en 21 ár skilur þau að.

Þá sagði Svala á samfélagsmiðlum í gær að hún þyrfti að fá frið í líf sitt, og má ætla að það sé vegna þess mikla fjaðrafok sem hefur myndast vegna sambandsstöðu hennar.