Balenciaga, eitt vin­sælasta merki tísku­heimsins, er þekkt fyrir að fara stundum ó­hefð­bundnar leiðir í hönnun sinni. Nýjustu skórnir frá Balenciaga hafa vakið tals­verða at­hygli, en um er að ræða skó sem líta út fyrir að vera úr sér gengnir og rúm­lega það.

Vörurnar frá Balenciaga eru oftar en ekki býsna dýrar og ekki beint fyrir hinn venju­lega launa­mann að kaupa sér nýja flík frá merkinu í hverjum mánuði.

Nýjustu skórnir frá Balenciaga byggja á hinum klassísku skóm sem kenndir eru við Paris. Eins og sjá má eru nýju skórnir verr farnir, með fleiri götum og koma auk þess í tak­mörkuðu upp­lagi sem gerir þá eftir­sóknar­verðari í augum sumra.

Upp­runa­lega út­gáfa Paris-skóna kostar venju­lega um 73 þúsund krónur en nýja línan er nokkuð dýrari og kostar 211 þúsund krónur.

Skórnir kosta 1.290 pund í Bretlandi, rúmar 200 þúsund krónur.
Hefðbundnari útgáfan er heldur ódýrari og kostar rúmar 70 þúsund krónur.