Kvikmyndin Sumarljós og svo kemur nóttin eftir Elfar Aðalsteins verður sýnd á Pöff, alþjóðlegu kvikmyndahátíðinni í Tallinn, sem fer fram dagana 11-27. nóvember. Þetta kemur fram í tilkynnignu.
Kvikmyndahátíðin í Tallinn er ein sú stærsta í Norður-Evrópu og mun Sumarljós og svo kemur nóttin keppa í svokölluðum Best of Fest flokki og etur þar kappi við kvikmyndir frá öllum heimshornum. Flokknum er lýst sem: „Créme de la créme úr heimi kvikmyndalistarinnar.
Kvikmyndir sem hafa verið frumsýndar eða unnið til verðlauna á öðrum virtum kvikmyndahátíðum.“ Sumarljós og svo kemur nóttin verður frumsýnd 13.nóvember á hátíðinni að viðstöddum Elfari Aðalsteins leikstjóra og glæsilegum leikhópi myndarinnar.
