Myndlist

Stundum (yfir mig fjallið) opnar á Klappar­stíg

Myndlistasýning eftir bandaríska listamanninn John Zurier opnaði í Reykjavík í kvöld.

Verkið Far again, 2018. Lím og tempera á strig. 25 × 30 cm. Eftir John Zurier. Mynd/ John Zurier

Myndlistarsýningin Stundum (yfir mig fjallið) eftir bandaríska listamanninn John Zurier var opnuð í dag í BERG Contemporary galleríinu að Klapparstíg í Reykjavík.

Margt fólk mætti til að berja nýjustu verk Zurier augum, en hann hefur tekið þátt í fjölda tvíæringa um allan heim og eru verk hans að finna í mörgum opinberum safneignum á borð við nútímalistasafnið í San Francisco, nútímalistasafninu í Stokkhólmi, Berkley háskóla og listasafninu í Berkley. Þá hefur hann einnig haldið fjölmargar einkasýningar í Bandaríkjunum, Evrópu og Japan.

Listamaðurinn, John Zurier, og eiginkona hans, Nina Zurier. Fréttablaðið/ Ernir

Zurier fæddist í Santa Monica í Kaliforníu og kom til Íslands fyrst árið 2002. Hann býr nú og starfar hvort tveggja í Berkley í Kaliforníu og í Reykjavík. Hefur Zurier frá árinu 2011 deilt tíma sínum milli íslenska landslagsins og heimaslóða sinna í Kaliforníu, og má greina áhrif hvoru tveggja í verkunum. 

Myndlistaunnendurnir Salvör og Magnús. Fréttablaðið/ Ernir

Listamaðurinn var táningur í Kaliforníu þegar hópur listamanna ruddu sér til rúms og kenndu sig við „birtu og rými“. Notaði þessi hópur óhefðbundnar aðferðir til að túlka reynslu og skynjun, og vildu að áhorfandinn gæti ekki aðeins séð birtu, rými og rúmmál hluta, heldur fyndi einnig fyrir þeim líkamlega. Vildu þeir þannig virkja allan líkamann í upplifuninni af listaverki. 

Ingibjörg Jónsdóttir, eigandi Berg Contemporary og Finnbogi Pétursson listamaður Fréttablaðið/ Ernir

Tíðarandinn í Suður-Kaliforníu varð til þess að þeir notuðu alls konar hátækniefni sem þróuð höfðu verið fyrir flug- og geimferðir til að ná fram þeim áhrifum sem þeir vildu. Zurier notar hins vegar algerlega hefðbundið efni til að komast að sama marki. 

Edda Jónsdóttir og Thorlákur Einarsson úr gallery i8. Fréttablaðið/ Ernir
After Hallgrímur Pétursson, 2018. Eftir John Zurier, Lím og tempera á striga. 60 × 65.cm

Meðhöndlar Zurier strigann af mikilli nákvæmni með lími, farva og olíulitum. Stundum merkir hann brot, hnökra og aðrar misfellur í striganum með litadoppum eða línum, eins og til að draga fram líf strigans sjálfs áður en hann var tekinn undir málverkið. Þessi virðing við yfirborðið verður stundum stundum ráðandi í byggingu málverksins, t.d. í myndinni Eftir Hallgrími Péturssyni.

Margrét Áskelsdóttir, Íris Stefánsdóttir og Friðrik Jóhannsson. Fréttablaðið/ Ernir

Galleríið er staðsett að Klapparstíg 16 í miðbæ Reykjavíkur, og sendur sýningin yfir til 22. desember.

Athugasemdir

Auglýsing
Auglýsing

Tengdar fréttir

Myndlist

Strá sykri í sárin

Lífið

Brellur og auka­per­­­sónur skyggja á Heru Hilmars

Lífið

Beyoncé tók lagið í indverskri veislu

Auglýsing

Nýjast

„Ég hef grátbeðið hana að svara símanum“

Með heiftarlegt ofnæmi fyrir kulda

Bókar­kafli: Geð­veikt með köflum

Arna Ýr og Vignir fjölga mann­kyninu

Kom nakinn fram hjá Gísla Marteini

Ótrúleg saga Vivian Maier

Auglýsing