Stór­glæsi­leg lúxu­s­villa á stór­höfuð­borgar­svæðinu en nú til sölu, en um er að ræða 267 fer­metra ein­býlis­hús með tæp­lega 41 fer­metra inn­byggðum bíl­skúr.

Húsið er á einni hæð með fjórum svefn­her­bergjum við Laxa­tungu í Mos­fells­bæ.

Húsið er byggt árið 2012 og er sett verð á þessa fal­legu eign 222 milljónir króna.

Húsið er ein­stak­lega fal­legt og vel skipu­lagt, en for­stofan er með sér­smíðuðum fata­skápum. Stofan er með smekk­legum arinn og skemmti­legum glugga sem sem gefa birtu inn í rýmið.

Hjóna­her­bergi er rúm­gott með sér­smíðuðum inn­réttingum í fata­her­bergi, en hægt er að ganga út í garð frá svala­dyr her­bergisins. Þá eru barna­her­bergin þrjú öll mjög rúm­góð með sér­smíðuðum fata­skápum.

Síðast­liðin tvö ár hafa miklar endur­bætur átt sér stað á húsinu, bæði að innan og utan. Eld­hús­inn­rétting og búr­skápur er úr hnotu og fata­skápar úr svartaðri eik, en Smíða­þjónustan sér­smíðaði inn­réttingarnar. Lumex hannaði alla lýsingu og koma öll ljós frá þeim.

Þá er arinn í húsinu, sem hannaður er af Rut Kára­dóttur innan­hús­arkitekt, klæddur með blá­grýti og granít.

Bíl­skúr hefur verið skemmti­lega út­færður og breytt í æfinga­að­stöðu og er raf­magns­hleðslu­stöð á bíla­stæði fyrir framan bíl­skúrs­hurð.

Garðurinn, sem er hannaður af Ólafi Mel­sted lands­lags­hönnuði, er með flísa­lagðri verönd og tveimur flísa­lögðum og steyptum pottum, bæði heitum og köldum. Báðir pottar eru tengdir við raf­magns­kerfið og er stýringin í stórum skjá á vegg í eld­húsi. Þá er há­gæða fimm manna infra­rauð sána í garðinum sem og sturta.

Nánari upp­lýsingar um eignina er að finna á fast­eigna­vef Frétta­blaðsins.

Remax
Remax
Remax
Remax
Remax
Remax
Remax
Remax
Remax
Remax