Af­steypa af getnaðar­lim banda­ríska rokkarans Jimi Hendrix verður brátt til sýnis á Ís­lenska reður­safninu. Safnið greinir frá þessu á sam­fé­lags­miðlinum Twitter.

Vísar safnið þar til fréttar banda­rísku tón­listar­frétta­síðunnar Lou­dwire um málið. Þar kemur fram að um sé að ræða gjöf Cynt­hiu Al­britt­on sem lést þann 21. apríl síðast­liðinn.

Fram kemur í frétt miðilsins að Al­britt­on hafi átt nokkrar af­steypur af lim tón­listar­mannsins sem lést langt fyrir aldur fram, einungis 27 ára gamall árið 1970.

Al­britt­on átti þó nokkrar af­steypur af getnaðar­limum frægðar­menna en Hendrix var fyrsti rokkarinn sem gaf henni af­steypu. „Jimi Hendrix mætti í bæinn. Hann var fyrsta rokk­stjarnan sem gaf af­steypu af typpinu sínu,“ sagði Al­britt­on í við­tali eitt sinn.

„Þetta var ekki fyrsta af­steypan, ég hafði prófað þetta á nokkrum áður til þess að vera til­búin fyrir Hendrix,“ sagði Al­britt­on.

„Hann er minn stærsti. Nei, hann er ekki minn stærsti. Það eru aðrir sem eru svona stærri-ish. Ég gæti ekki sagt til um það hvort hann sé sá mest spennandi, af því að þetta eru börnin mín og ég er mamma þeirra og ég er mjög sann­gjörn við öll mín börn, ég vel ekki á milli þeirra. Ég elska þau öll.“